I-чет эл валютаси бўйича биржа савдоларига оид саволлар

34. Своп битимининг базавий курси қандай аниқланади?
“ЎзРВБда валютавий своп операцияларини ўтказиш қоидалари”га мувофиқ Своп битимининг базавий курси – своп битими тузиладиган санадаги спот-курс. Сўм ва чет эл валютаси ўртасидаги своп битимини тузишда своп битимининг базавий курси (спот-курс) шу битимни тузиш пайтидаги Марказий банк томонидан тегишли валютанинг сўмга нисбатан ўрнатилган курсига тенг бўлади. Икки чет эл валютаси ўртасидаги своп битимини тузишда своп битимининг базавий курси шу битимни тузиш пайтидаги Марказий банк томонидан белгиланган чет эл валюталари кросс-курси асосида ҳисобланади.


35. Своп битимининг якуний курси қандай аниқланади?

“Ўзбекистон республика валюта биржасида валютавий своп операцияларини ўтказиш қоидалари”га мувофиқ своп битимининг якуний курси - своп битимини тузиш санасидаги форвард-курс. Своп битимининг якуний курси своп битими иштирокчилари томонидан ихтиёрий ўрнатилиши ёки қуйидаги формула бўйича аниқланиши мумкин:

бу ерда:
ЯК – своп битимининг якуний курси;

БК – своп битимининг базавий курси;
ФС_{сўм/чет эл} – сўмдаги фоиз ставка (агар своп битими икки чет эл валютаси ўртасида тузилса, тегишли чет эл валютасидаги ставка);
ФС_{чет эл} – чет эл валютасидаги фоиз ставка;
К – своп битимининг биринчи ва иккинчи қисми ўртасидаги календарь кунлар сони (бунда битимнинг биринчи ва охирги куни бир кун деб олинади);
ЙК_сўм – своп битимининг биринчи қисмини амалга ошириш кунидаги сўм бўйича календарь кунлар сони (365 кун);
ЙК_{чет эл} – своп битимининг биринчи қисмини амалга ошириш кунидаги тегишли чет эл валютаси бўйича календарь кунлар сони (АҚШ доллари, евро, Япония иенаси ва Швейцария франки учун 360 кун, Англия фунт стерлинги учун 365 кун).


36. Валютавий своп операциялари савдолари натижаларига кўра хужжатларни расмийлаштириш тартиби қандай?
“ЎзРВБда валютавий своп операцияларини ўтказиш қоидалари” нинг 3.1.-3.3-бандларига мувофиқ савдолар тугаганидан кейин икки соат ичида савдо якунлари бўйича биржа гувоҳномалари икки нусхада расмийлаштирилиб, ЎзРВБ мансабдор шахслари ва трейдер томонидан имзоланади.
Савдолар тугаганидан кейин савдо тизимида битим реестри ва савдолар баённомаси расмийлаштирилади. Битим реестридан ва савдолар баённомасидан кўчирма бериш Дилернинг ёзма талаби бўйича тақдим этилади.
Дилернинг ваколатли ходими бўлган трейдер томонидан биржа гувоҳномалари ва операция варақлари имзоланмаслиги, бўлиб ўтган савдо натижаларига мувофиқ мажбуриятларни ушбу Дилер томонидан бажарилмаслигига асос бўлмайди.
II-Чет эл валютаси савдолари бўйича клиринг ва ҳисоб-китобларни амалга оширишга оид саволлар.