I-чет эл валютаси бўйича биржа савдоларига оид саволлар

1. Клиринг сессиялари хақида тушунча беринг.
“ЎзРВБда банклараро савдо сессияларини ўтказиш қоидалари”га мувофиқ:
Клиринг сессиялари – ЎзРВБ томонидан ташкиллаштирилган, Дилерлар томонидан сотиб олинмаган чет эл валютасини Марказий банк томонидан сотиб олиниши бўйича амалга ошириладиган биржа савдоларидир.


2. ЎзРВБда ўтказиладиган савдолар бўйича клиринг ва ҳисоб-китоблар қайси ҳужжатлар асосида амалга оширилади?

“ЎзРВБда банклараро савдо сессияларини ўтказиш қоидалари”нинг 44-бандига мувофиқ:

Савдолар якунлари бўйича клиринг ва ҳисоб-китоблар биржа гувоҳномалари ва “Чет эл валютасидаги операциялар бўйича Ўзбекистон республика валюта биржасининг клиринг ва ҳисоб-китоблар тизимида қатнашиш тўғрисида”ги шартномага асосан амалга оширилади.


3. Пул маблағларини депонентлаш тартиби ҳақида гапириб беринг. Пул маблағлари қандай хажмда депонентланади?

“ЎзРВБда банклараро савдо сессияларини ўтказиш қоидалари”нинг 54-55-бандларига мувофиқ:

Дилерлар операцияларини амалга оширишлари учун етарли миқдордаги чет эл валютасидаги пул маблағлари, Банклараро савдо сессиялари ўтказилишидан олдин Ҳисоб-китоб марказидаги махсус ҳисобрақамларида депонентланади.
Дилерлар ЎзРВБ билан ўзаро ҳисоб-китобларни амалга ошириш учун зарур бўлган сўмдаги пул маблағларини (савдолар якуни бўйича нетто-мажбуриятлар) савдолар ўтказиладиган кун тамом бўлгунига қадар ЎзРВБнинг Ҳисоб-китоб марказидаги махсус ҳисоб рақамларига ўтказилишини таъминлашлари шарт.
Шунингдек, савдолар бошланишига қадар ЎзРВБнинг Ҳисоб-китоб марказидаги махсус ҳисобрақамларида Дилерларнинг сўмдаги пул маблағлари мавжуд бўлишига ижозат берилади.


4. Қайси банклар чет эл валютаси савдоларида қатнашиш учун қўйилмайди?

“ЎзРВБда банклараро савдо сессияларини ўтказиш қоидалари”нинг 56-бандига мувофиқ:

ЎзРВБ билан ўзаро ҳисоб-китобларни амалга ошириш учун зарур бўлган сўмдаги пул маблағларини (савдолар якуни бўйича нетто-мажбуриятлар) ўз вақтида таъминламаганликлари бўйича нетто-мажбуриятларга эга Дилерлар (Марказий банкдан ташқари) навбатдаги савдоларга қўйилмайдилар.