I-чет эл валютаси бўйича биржа савдоларига оид саволлар

23. Курс ўрнатиш жараёнида савдо тизимига турли дилерлар томонидан қўшимча буюртмалар бир вақтда киритилганда қайси буюртма қондирилади?

“Ўзбекистон республика валюта биржасида банклараро савдо сессияларини ўтказиш қоидалари”нинг 35-бандига мувофиқ курс белгилаш жараёнида Савдо тизимига турли Дилерлар томонидан қўшимча буюртмалар бир вақтда киритилганда, максимал суммага эга бўлган буюртма қондирилади. Агарда, қўшимча буюртмаларнинг суммалари ҳам тенг бўлса, бу буюртмалар пропорционал тенг равишда қондирилади.

24. Савдо якунларига кўра ўрнатилган курс ҳақидаги маълумотлар кимларга тақдим этилади?

“Ўзбекистон республика валюта биржасида банклараро савдо сессияларини ўтказиш қоидалари”нинг 36-бандига мувофиқ савдолар якунланганидан сўнг, ЎзРВБ чет эл валютасини сўмга нисбатан ўрнатилган курси тўғрисидаги маълумотни ЎзР Марказий банк ва ваколатли банкларга етказади.

25. Савдо натижаларига кўра ҳужжатларни расмийлаштириш тартиби қандай?

“Ўзбекистон республика валюта биржасида банклараро савдо сессияларини ўтказиш қоидалари”нинг 40-бандига мувофиқ Биржа битимларини рўйхатдан ўтказиш ва расмийлаштириш биржа савдолари натижалари бўйича ёзма ёки электрон шаклда савдолар тугаганидан кейин икки соат ичида амалга оширилади. Бунда, ЎзРВБ мансабдор шахслари ва трейдер томонидан имзоланган биржа гувоҳномалари ва операция варақлари икки нусхада, шунингдек, трейдер томонидан имзоланган банклараро савдо сессияларида бажарилган операциялар бўйича маълумотнома расмийлаштирилади.

Дилернинг ваколатли вакили бўлган трейдер томонидан биржа гувоҳномалари, операция варақлари ва операциялар бўйича маълумотнома имзоланмаслиги, бўлиб ўтган савдо якунларига мувофиқ ЎзРВБ билан ҳисоб-китоблар бўйича мажбуриятларни ушбу Дилер томонидан бажарилмаслигига асос бўлмайди.
Биржа битимлари нотариал тартибда тасдиқланмайди.


26. Дилернинг дастлабки позицияси нима?

“Ўзбекистон республика валюта биржасида банклараро савдо сессияларини ўтказиш қоидалари”га мувофиқ Дилернинг дастлабки позицияси - Дилернинг бошланғич буюртмасига биноан, бирор-бир инструментни сотиш ва сотиб олиш имкониятларини ҳисоблаш натижасида ҳосил бўлиши мумкин бўлган мажбурият ва талаблари бўйича вужудга келадиган ҳолатини ифодалайди.