I-чет эл валютаси бўйича биржа савдоларига оид саволлар

9. Пул маблағлари қолдиқларини солиштириш тартиби қандай?

“ЎзРВБда банклараро савдо сессияларини ўтказиш қоидалари”нинг 67-бандига мувофиқ:

ЎзРВБнинг махсус ҳисобрақамларидаги сўм ва чет эл валютасидаги пул маблағлари қолдиқларини солиштириш мақсадида Дилерлар ҳар чоракда шахсий ҳисобрақамларидаги пул маблағларининг чоракнинг 1-санасига бўлган ҳолати тўғрисидаги расмий бланкда расмийлаштирилган хатни ҳисобот чорагидан кейинги ойнинг 10-санасидан кечиктирмаган ҳолда тақдим этадилар.


10. Қайси ҳолларда ЎзРВБ Дилерларнинг қўшимча розилигисиз уларга пул маблағларини қайтариш ҳуқуқига ёки мажбуриятига эга?

“Чет эл валютасидаги операциялар бўйича Ўзбекистон республика валюта биржасининг клиринг ва ҳисоб-китоблар тизимида қатнашиш тўғрисидаги шартнома”нинг 3.1.2. бандига мувофиқ:

Дилер томонидан ЎзРВБ билан ҳисоб-китобларни ўтказиш учун тақдим этилган ҳисобрақамларга тўғри келмайдиган ҳисобрақамлардан ўтказилган пул маблағларини ЎзРВБ дилерларнинг қўшимча розилигисиз уларга қайтариш ҳуқуқига эга.


11. ЎзРВБда ўтказиладиган валютавий своп операциялари бўйича клиринг ва ҳисоб-китоблар қайси ҳужжатлар асосида амалга оширилади?

Савдолар якунлари бўйича клиринг ва ҳисоб-китоблар тегишли биржа гувоҳномалари ва “Валютавий операциялар бўйича Ўзбекистон республика валюта биржасининг клиринг ва ҳисоб-китоблар тизимида қатнашиш тўғрисидаги шартнома”га асосан амалга оширилади.

12. Валютавий своп операциялари бўйича пул маблағларини депонентлаш тартиби ҳақида гапириб беринг. Пул маблағлари қандай ҳажмда депонентланади?


ЎзРВБда валютавий своп операцияларини ўтказиш қоидалари”нинг 4.13.,4.14.-бандларига мувофиқ:
Своп битимларини тузиш учун Дилерлар ЎзРВБнинг махсус ҳисобрақамларида пул маблағлари мавжудлигини савдо ўтказилишидан олдин таъминлаб бериши зарур.
Дилерлар томонидан пул маблағлари улар томонидан режалаштирилаётган операцияларнинг тўлови, ЎзРВБнинг воситачилик мукофотида кўзда тутилган тўлов ва йиғим турларини ҳисобга олган ҳолда, етарли миқдорда олдиндан депонентланиши зарур.