I-чет эл валютаси бўйича биржа савдоларига оид саволлар

9. Тижорат ва хизмат сирини ташкил этувчи маълумотларни бошқа ташкилотларга жўнатиш тартиби.

Тижорат ва хизмат сирини ташкил этувчи ҳужжатлар бошқа ташкилотларга муҳрланган “Тижорат ёки Хизмат сири” устхатли конвертда буюртма почтаси орқали йўлланилади. Конвертнинг ташқи томонига жўнатилаётган хатнинг чиқиш рақами, санаси, олувчининг номи ёзилади. Тижорат ва хизмат сирларини ташкил этувчи ҳужжатлар конвертда кўрсатилган бўлинманинг масъул шахси томонидан қабул қилиниши лозим. Масъул шахс ҳужжатларнинг варақалари ва нусхалар сони, хатда кўрсатилган иловалар мавжуд эканлигини текшириб чиқади. Ҳужжатлар камомади аниқланганида, икки нусхада далолатнома тузилиб, шундан бир нусхаси жўнатувчига юборилади.

10. Трейдерларнинг ЎзРВБ ҳудуди ва биносига киришлари учун керакли шартлар ҳақида гапириб беринг?

“Ўзбекистон Республика валюта биржаси ҳудуди ва биносига кириб-чиқиш тартибини ташкил этиш тўғрисида”ги йўриқномага мувофиқ Трейдернинг ЎзРВБ ҳудуди ва биносига кириши учун шахсий гувохномаси ёки шахсини тасдиқловчи хужжати бўлиши шарт.

Трейдерлар фақат ЎзРВБ раҳбарияти томонидан тасдиқланган рўйхати асосида ЎзРВБ ҳудуди ва биносига киритиладилар.
ЎзРВБ ҳудудига кираётган трейдер ўзининг шахсий уяли алоқа, фото ва видеоёзув қурилмаларини 1-пост қўриқлаш ходимига топшириши ҳамда металлодетектор билан текширилиши шарт.
Трейдер 1-постдан ўтганидан сўнг 2-постдан ўтиши керак. 2-постда қайта шахсини тасдиқловчи гувохнома текширилади ва ундан сўнг савдо залига боради.


IV. Информацион технологиялар бўлимига оид саволлар.


1. “Ягона электрон савдолар тизими” Дилер автоматлаштирилган иш жойининг вазифаси ва асосий функцияларни айтиб беринг?

“Ягона электрон савдолар тизими (ЯЭСТ) дастурий мажмуаси Дилер автоматлаштирилган иш жойи (АИЖ) фойдаланувчисининг йўриқномаси”га мувофиқ “Ягона электрон савдолар тизими” Дилер автоматлаштирилган иш жойи чет эл валютасини сотиб олиш ва сотишни автоматлаштиришга мўлжалланган дастурдир.

Унинг асосий функциялари чет эл валютасини сотиб олиш ва сотишга буюртмаларни киритиш, буюртмаларни ўзгартириш, буюртмаларни бекор қилиш, биржа таблосини, буюртмалар навбатини, битимларни, ҳисоб рақамлардаги пул маблағлари қолдиғини кўришга мўлжалланган.