I-чет эл валютаси бўйича биржа савдоларига оид саволлар

6. Банк сири ҳисобланган маълумот қандай ҳолларда, кимларга берилади?


Банк сири ҳисобланган маълумот фақат мижозларнинг ўзларига ёки уларнинг вакилларига берилади. Давлат органлари ва уларнинг мансабдор шахсларига бундай маълумотлар фақат қонунда кўрсатилган ҳоллардагина берилади. Банк сирини ташкил этувчи маълумотлар прокуратура, тергов ва суриштирув органларига мазкур банк мижозига (вакилига) нисбатан қўзғатилган жиноят иши мавжуд бўлган тақдирда, етказилган зарар ундириб олинишини ёки унинг мол-мулки хатланишини таъминлаш мақсадида терговчи ёхуд суриштирувчининг асослантирилган қарорига биноан прокурор санкцияси билан тақдим этилади. Банк сирини ташкил этувчи маълумотлар судга унинг ёзма сўрови асосида, мазкур банк мижозига (вакилига) нисбатан суднинг иш юритувидаги ишлар бўйича тақдим этилади.


7. Электрон рақамли имзо қандай мақсадларда қўлланилади?


Ўзбекистон Республикаси "Электрон рақамли имзо тўғрисида"ги Қонун 2003 йил 11 декабрда қабул қилинган. Қонуннинг 3-моддасига мувофиқ электрон рақамли имзо - электрон ҳужжатдаги мазкур электрон ҳужжат ахборотини электрон рақамли имзонинг ёпиқ калитидан фойдаланган ҳолда махсус ўзгартириш натижасида ҳосил қилинган ҳамда электрон рақамли имзонинг очиқ калити ёрдамида электрон ҳужжатдаги ахборотда хатолик йўқлигини аниқлаш ва электрон рақамли имзо ёпиқ калитининг эгасини идентификация қилиш имкониятини берадиган имзо.


8. Ўзбекистон Республикаси “Тижорат сири тўғрисида”ги Қонун қачон қабул қилинган ва қандай маълумотлар тижорат сири ҳисобланади?

Ўзбекистон Республикаси “Тижорат сири тўғрисида”ги Қонун 2014 йил 11 сентябрда қабул қилинган.

Ушбу Қонуннинг 3-моддасига мувофиқ тижорат сири - учинчи шахсларга номаълумлиги сабабли фан-техника, технология, ишлаб чиқариш, молия-иқтисодиёт соҳаларида ҳамда бошқа соҳаларда тижорат қимматига эга бўлган, қонуний асосда эркин фойдаланилмайдиган ахборот бўлиб, ушбу ахборот мулкдори унинг маҳфийлигини муҳофаза қилиш бўйича чора-тадбирларни кўради.