Huquqiy madaniyat va huquqiy tarbiya asoslari

Birinchidan, bizning yurtimiz madaniyatning barcha sohalarida yuzlab, minglab jahonshumul ulug‘ zotlar, davlat arboblarini yetishtirgan va umumbashariyat ma'rifatparvarligini yaratishda buyuk ajdodlarimiz ulkan hissa qo‘shganlar. Shuning uchun ham o‘zbek madaniy merosi jahon madaniyatining ajralmas tarkibiy qismidir.
Ikkinchidan, mustaqil O‘zbekistonda, qolaversa butun jahon ma'naviyatida o‘z o‘rinlariga ega bo‘lgan ulug‘ ajdodlarimizni ko‘klarga ko‘tarish vaqti keddi. To‘maris va Shiroq, Spitamen va Manguberdi, Temur Malik, buyuk bobomiz Amir Temur, Ulug‘bek, Bo-bur, Shohjahon va boshqa ulug‘larimizning ruhlarini shod aylamog‘imiz, Go‘ro‘g‘li, Alpomish, Oybarchin, Ravshan, Hasan, Kuntug‘mish dostonlarini baralla kuylamog‘imiz va eshitmog‘imiz kerak.
Uchinchidan, O‘zbekiston o‘zining chuqur davlatchilik negizlariga ega bo‘lgan o‘ziga xos siyosiy-huquqiy, madaniy meros sohibidir. Eramizdan bir necha yuz yillar oddin, bizning hududimizda huquqiy tizimlar va qarashlar taraqqiy etgan Movarounnahrda islom manfa-atlariga, islom huquqshunosligi - fikhga, shariatga va, umuman, jahon huquqiy madaniyatiga ulkan hissa qo‘shgan huquqshunoslar yashaganlar.
To‘rtinchidan, bizning hududimizda to‘qqiz mingdan ziyod tarixiy, madaniy, me'morchilik yodgorliklari - o‘zbek xalqi beqiyos madaniy merosining namunalari saqlanib kelinayapti. Ularni ta'mirlash, tiklash, saqlab qolish va kelajak avlodlarga yetkazish har bi-rimizning ma'naviy, qolaversa, insoniy vatanparvarlik burchimizdir. Shuning uchun konstitutsiyamizning 49-moddasida: "Fuqarolar O‘zbekiston xalqining tarixiy, ma'naviy va madaniy me'rosini avaylab-asrashga majburdirlar", - deyilgan.
Xullas, milliy mafkuramizning uzviy tarkibiy qismini boy madaniy me'rosimiz tashkil etadi. Ma'naviyatimiz gulshani durdonalaridan bahramand bo‘lib tarbiyalangan sog‘lom avlod ruhan tetik va yengilmas bo‘lib doimo muzaffariyat otida yurgay.
4. Huquqiy madaniyat va huquqiy tarbiya asoslarining ijtimoiy va yuridik fanlar tizimidagi o‘rni
Huquqiy madaniyat va huquqiy tarbiya asoslari o‘quv fani sifatida turli ijti-moiy va yuridik fanlar bilan uzviy bog‘liqdir. Ushbu bog‘liqlik mazkur fanlar o‘rganish ob'ektining umumiyligidan kelib chiqadi. Ular o‘z predmeti doirasida jamiyat va madaniyat, davlat va huquq ka-bi ijtimoiy hodisalarni o‘rganadilar. Shu bilan birga, ularning xar biri muayyan xususiyatga, o‘zi o‘rganadigan fan sohasiga ega.
Huquqiy madaniyat va huquqiy tarbiya asoslari ijtimoiy fanlar bo‘lmish falsa-fa, iqtisodiyot nazariyasi, sotsiologiya, siyosatshunoslik, madaniyat-shunoslik, tarix kabi fanlar bilan ham bog‘liqdir. Ayni paytda Huquqiy madaniyat va huquqiy tarbiya asoslari bu fanlardan farq qiladi.