Huquqiy madaniyat va huquqiy tarbiya asoslari

O‘ZBEKISTON RESPUBLIKASI
OLIY VA O‘RTA MAXSUS TA'LIM VAZIRLIGI
ANDIJON DAVLAT UNIVERSITETI
Milliy g‘oya, ma'naviyat asoslari va huquq ta'limi kaferdrasi
“HUQUQIY MADANIYAT VA HUQUQIY TARBIYA
ASOSLARI”

fanidan
O‘ Q U V – U S L U B I Y

M A J M U A
Andijon -2020
O‘ZBEKISTON RESPUBLIKASI
OLIY VA O‘RTA MAXSUS TA'LIM VAZIRLIGI


ANDIJON DAVLAT UNIVERSITETI


Milliy g‘oya, ma'naviyat asoslari va huquq ta'limi kaferdrasi
“HUQUQIY MADANIYAT VA HUQUQIY TARBIYA ASOSLARI”

fanidan
O‘ Q U V – U S L U B I Y

M A J M U A

bo’yicha

MA’RUZA MATNI
ANDIJON- 2019


1-Mavzu: Huquqiy madaniyat nazariyasi fanining predmeti va metodlari


1. Huquqiy madaniyat nazariyasi fanining predmeti
2. Huquqiy madaniyat nazariyasi fanining metodlari
3. Huquqiy madannyat nazariyasi fanining metodologiyasi
4. Huquqiy madannyat nazariyasining ijtimoiy va yurndik fanlar tizimidagi o‘rni

Tayanch so‘z va iboralar: Huquqiy tarbiya, huquq, madaniyat, tarbiya, predmet, nazariya, amaliyot, metod, tizim sotsiologiya, qiyosiy metod.
Huquqiy madaniyat nazariyasi fanining predmeti.
Qadim zamonlar (eramizning I asri o‘rtalari)dan bizning davrimizgacha yetib kelgan "Ulug‘vorlik haqida"gi asarda shunday fikr bayon qilingan: "Odatda har bir olim uchun u amal qilishi kerak bo‘lgan ikkita talab qo‘yiladi: birinchidan, tadqiqotning predmetini aniqlash; ikkinchidan, bu mavzuni egallashga yordam beradigan metodlarni topish va ularni ko‘rsatish. Bunda ikkinchi talab tartib bo‘yicha birinchisidan keyin tursa ham, ammo ahamiyati jihatidan juda muhimdir". O‘tgan yuz yilliklar bu noma'lum muallif fikrlarining qanchalik dono va haqqoniy ekanligini to‘la tasdiqladi.
Har bir mustaqil o‘quv fani o‘z predmeti va metodiga ega bo‘lishi zarur. O‘quv fanining predmeti u o‘rganadigan masalalarning majmuidir. O‘quv fanining metodi ushbu fan mavzulari o‘rganiladigan usullardir.
Huquq soxasidagi mutaxassislar avvalo davlat va huquq haqidagi asosiy tushunchalarni, tamoyillarni, ta'limotlarni bilishi zarur.
Umuman, davlat va huquq haqidagi bilimlar huquqshunoslik fanining turli sohalari yordamida o‘rganiladi. Huquqshunoslik fanlari ichida markaziy o‘rinni davlat va xuquq nazariyasi egallaydi. Davlat va huquq nazariyasi huquqshunoslik fanlarining metodologik nazariy poydevorini tashkil etadi. Davlat va huquq nazariyasi tarkibida ham ilm, ham huquqiy ta'lim bo‘yicha turli mustaqil yo‘nalishlar mavjud. Bular jumlasidan Davlat va huquq falsafasi, davlat va huquq sotsiologiyasi, qiyosiy huquqshunoslik, huquqiy mafkura asoslari va boshqalarni ko‘rsatish mumkin. XX asrning so‘nggi choragida yana bir mustaqil yo‘nalish -huquqiy madaniyat nazariyasi shakllandi. XXIasrda esa huquqiy madaniyat nazariyasi rivojlanishi uchun asos bulgan «Huquqiy madaniyat va huquqiy tarbiya asoslari» fan sifatida urganilmokda. Har qanday nazariya kabi huquqiy tarbiya nazariyasi ham davlat va huquq nazariyasining tarkibiy qismi bo‘lib, amaliyot bilan chambarchas bog‘liqdir. Huquqiy tarbiya nazariyasi huquqiy amaliyot rivojining yo‘nalishini belgilab beradi. U huquqiy amaliyot xulosalari va tajribalarining sintezidir.