Hayot charxpalagi

Umr yo'li

O'tayotgan umrimni to'xtata turib

Yoshlikka nazar solgim keladi

Do'stlarim bn ko'cha changitib

Beg'ubor yoshlikda qolgim keladi.

Onamga to'xtovsiz savollar berib

Ayvonda yotganga qaytgim keladi.

Yulduzlar uchganda tilaklar aytib

Baralla "Amiyn" deb aytgim keladi.

Ortinggizga boqing, qancha yil o'tdi

Tug'ildik, ulg'aydik, balki qaridik

Yuzga ajin tushdi, sochinggizga oq

Beg'ubor davrlar endi naridek

Hayot iboratmas o'yin-kulgidan

Bosh og'riq, aysh-ishrat, hamda mastlikdan

Chiqayotgan janjallar shulardanmasmi

Nodonlik, loqaydlik, indamaslikdan.

Alloh bandasini g'iybatlar qilib,

Qalbini tig'lovchi sozlarni aytmang.

Cho'kayotgan vujudni ustidan tepib,

Kundan-kunga yana gunohga botmang.

Qing'ir ishga qo'l urmang, kimsa ko'rmas deb,

Ko'rsa ham indamas, balki bilmas deb.

Tepangda ArshaAlloh aytar ohista

Gunohkor jazosin olmay qolmas deb.

Dunyoga kelsak ham mol-dunyo yig'ib,

Qo'limiz to'lsa ham, ko'z hech to'ymaydi.

Insonga ne kerak, bu temir-tersak

Qiyomat kunida oltin-zar bo'lmaydi.

Kunda har ko'ylakni kiysak ham yana

Urfda bo'lganini qo'ymay olamiz.

Keraksiz narsaga sarflab vaqtimiz

Umrimiz o'tganin bilmay qolamiz.

Qasrdek uy boshlab, bezaklar bezib,

Bitganda shu uyga sig'may qolamiz

Kun kelib, keng uyga sig'magan inson

Mushtdek to'rt devordan joyni olamiz.

Qushlar ham bir joyga to'planib qolsa

Salom deb qanotin qoqadi hayhot

Biz insonlarda-chi g'urur ustuvor

Nahot qushchalik ham bo'lmas odamzot.

Odamlar ayamang bir-biringgizdan

Shirin so'z har tonggi salominggizni.

Ko'z ko'zga tushganda qo'ying jilmayib

Bu kulgu rom etsin hayolinggizni.

Bolanggizni erkalab ayting, oppog'im

Shirintoyim, shunqorim, chaqqon toychog'im

Dunyoni baxshida qiling ularga

Ayting erkatoyim, ko'zim munchog'im.

Mehrni qidirmang, o'zga bir tandan

Qidiring eng yaqin farzandinggizdan

Ortiq bo'la olmas o'zga bir inson

Yurakdan yaralgan yuraginggizdan.

Qidiring mushtipar onaizordan

Mehrlari daryo, malaginggizdan.

Umr o'tkinchidir, duosin oling.

Hammadan ham sizga keraginggizdan.

Do'stlar-la o'zaro davralar qiling

Suhbati shirindir, diydori shirin.

Kun tunga kerak bo'lgani kabi

Qadr-la suyushar ular bir-birin.

Tushkunlikka tushmang yurakni ezib

G'amga g'am qo'shilib, narvon bo'lmasin.

Kuchim ham qolmadi demang siz aslo

Yurakni ezgan dard, armon bo'lmasin.

Taqdirim ne bo'lsa shu deb o'tirmang

Taqdir archa misol bezatuvchisi siz

Baxtning qo'lin tutib, kalit-la ochib

Umringgiz yo'lini yaratuvchisi siz.

Hayotga chiroyli ko'z bilan qarang

Nafas olganimizning o'zi katta baxt.

Yurakning urgani, ko'zning ko'rgani

Oyoqning urgani o'zi katta Baxt.

Nasihat ayamang, maslahat tinglang,

Hayotdan ketgan so'ng so'zinggiz qolsin.

Eslaganda yig'lab, etlar junjikib,

Dillarni shod etgan ko'zinggiz qolsin.

Hayotga keldikmi maqsadni qo'yib,

Inson deya buyuk nomni olaylik.

Qahramonlar kabi, shoirlar kabi

Dunyo qalblarida mangu qolaylik

Muallim

O'zligimni tanitgan tilim,

Nurli ko'zim, porlagan dilim,

Mehr ila berdinggiz ilm,

Rahmat sizga, aziz muallim.

Beg'ubor yoshlikdan qo'limdan tutgan,

Sho'xligimga chidab, azobim yutgan,

Bizdan yetuk yutuqlar kutgan,

Rahmat sizga, aziz muallim.

Ustoz degan buyuk nom olgan

Yuraklarga ishq o'tin solgan

Dunyolarda abadiy qolgan

Rahmat sizga, aziz muallim.

Vatanim ulug'lab, asrab-avaylab,

She'rim siz tomon aytaman shaylab,

Qo'lim ko'ksimga qo'yib, ta'zimim aylab,

Rahmat sizga, aziz muallim.

O'zbegim tarixin jo'shib so'ylagan

Kelajak avlodning ilmin o'ylagan

Otamdek ulug'siz, berdinggiz ta'lim

Sizga chindan rahmat, aziz muallim!