Hayot charxpalagi

Hayot sinovlari

Shirin orzularim bo'lmasin armon,

Tandagi og'rig'im yomondir hamon,

Bu dardlarimga bormikan darmon

Hayot sinovlari qiynar ekan-da.

Kuchim ham qolmadi ahvolim tayin,

Qiynalib ketdim-ku, ayting netayin,

Yo azob, faqat menga atayin

Hayot sinovlari qiynar ekan-da.

Beg'ubor insonlar xafa qilmaydi,

G'am-anduh, qayg'uni aslo bilmaydi,

Degan onam ham xo'rsinib jilmaydi,

Hayot sinovlari qiynar ekan-da.

Tuhmatdan, aldovdan nadir pora qalb,

Aytolmay izhorin, dilafgor yora qalb

Qaytadan yosharar ishqdan zora qalb,

Hayot sinovlari qiynar ekan-da.

Azoblar dastidan soch ham oqardi,

"Niqobli" do'stlarim ortimdan boqardi,

Gar chindan do'st bo'lsa, eshigim qoqardi,

Hayot sinovlari qiynar ekan-da.

Yig'layman gohida sog'inchdan asli

Kutaman intizor umidim fasli,

Keladi, oz qoldi, orzular vasli,

Hayot sinovlari qiynar ekan-da.

Chidayman eng mushfiq onalar uchun,

Umrimiz yo'ldoshi yagonalar uchun,

Opamiz, ukamiz, mardonalar uchun,

Hayot sinovlari qiynar ekan-da.