Hayot charxpalagi

Dugonalar(bag'ishlov)

Mening dugonalarim

Qalbi pok va chaqqondir.

Allohni ulug'lagan

Muslima namozxondir.

Avazjonim—jahonim

Mening najot farishtam.

Kamtarin-u uyatchan

Pok ko'ngilli sarishtam.

Dilnoz—mening yo'ldoshim

Yig'laganda ko'zyoshim.

Goh jiddiydir, goh aksi

Porlab turgan quyoshim.

Deyman uni erkalab:

Nigor, paxmoq mushukcham.

Qaymog'imsanm, do'mbog'im

Mening mitti yurakcham

Anoram sochi uzun

Chittak, tirnog'i ustun.

O'ziga rom etuvchi

Ko'zlarida bor uchqun.

Sanobar-chi kulguchim

Ham samimiy, suyguvchim.

Kayfiyatim ko'tarib

Quchoq ochib qo'yguvchim.

Yoqutjon—sho'x, uyquvchim

Minglab tushlar ko'rguvchim.

Yaxshi-yu yomon kunda

Yonimizda turguvchim.

Zuhra juda ta'sirchan

Ismiga qo'shing oyni

O'xshaydi u yulduzga

Osmondan olgan joyni.

Ozoda pok, beozor

Hurmatlarga sazovor.

Qiziquvchan, mehribon

Qo'li gul, uyi gulzor.

Sabohat-chi munchoqdek

Suhbatni xush ko'radi.

Qo'ng'iroqdek ovozi

Butun Rumga boradi.

Navbat yetar Mohira,

Dilshoda, Reymajonga

Mohichehra, Lobar-u

Nodira, To'xtajonga.

Adashim Dilnura bor,

Ko'p o'quvchi Mardona.

Ko'p kuluvchi Sayyora-yu

Ular dona-birdona.

Balandga orzu qilgan,

Partadoshim, sirdoshim.

Ular mening yulduzim,

Hilol oyim, quyoshim.

Baxtimizga hamisha

Sog' bo'lishsin dunyoda.

Sodiq do'stlar ko'paysin,

Umri bo'lsin ziyoda!

Begim

Hur Layli men bo'lsam, oshiq Majnunsiz,

Farhod ila Shirin, men-la mamnunsiz,

Umrbod sevasiz, menga maftunsiz,

Sizni yaxshi ko'raman, begim.

Titroq lablaringgiz kular muloyim,

Siz menga bekdirsiz, menman huroyim.

Hilol oyimdirsiz, men Mohlaroyim,

Sizni yaxshi ko'raman, begim.

Aytolmayman goho dildagi ohim,

Aytasiz: quyoshim, oyparcham, mohim,

Asrasin panohda sizni Allohim,

Sizni yaxshi ko'raman, begim.

Ma'nolar mujassam nurli ko'zimsiz,

Ishqim talqin etgan durli so'zimsiz,

Telbadek sevuvchi xuddi o'zimsiz,

Sizni yaxshi ko'raman, begim.

O'zgaga boqmang siz, keltirmay rashkim,

Taqdirlar tutash-u, olov otash kim,

Asli ishqinggizga loyiq dilkash kim,

Sizni yaxshi ko'raman, begim.

Sevgi o'tkinchi tuyg'u, qilmishi azob,

Unga asirlarning hayoti harob,

Degan kimsalarga ishonmay dedim:

Sizni yaxshi ko'raman, begim.

Armon degan tuyg'u bilan tanishmasman,

Shukur, yorim tanlashda men yanglishmasman,

Menikisiz, o'zgaga hech alishmasman,

Sizni yaxshi ko'raman, begim.

Sog'insam gar sizni, ayting, netayin,

Ishqim ortib borar kundan-kun sayin,

Takroran shu so'zni sizga aytayin,

Sizni yaxshi ko'raman, begim.

Yonimda ekansiz, xurramman, shodman,

Siz uchun umrlik bir qasamyodman,

Abadiy dunyoda toki hayotman,

Sizni yaxshi ko'raman, begim.

Sizni deya jo'shib urar yuragim,

Baxtimning kaliti, shirin ertagim

Siz menga, men sizga doim keragim,

Sizni yaxshi ko'raman, begim.

Shuni angladimki, mening donoyim,

Siz menga keraksiz, har onda, doim,

Niyatga yetkazsin, bizni Xudoyim,

Sizni yaxshi ko'raman, begim.