Hayot charxpalagi

Hayot charxpalagi

Hayot charxpalagi teskari bo'lib,

Gadoylar boy bo'lsa, quvonchga to'lsa.

Manmanning g'ururi yerga teng bo'lib,

Qilgan ishlaridan pushaymon bo'lsa.

Insonning gapirgan so'zlarida ham

Yolg'onning o'rniga haqiqat bo'lsa.

Do'stlikning asosiy poydevori ham

Xiyonat o'rniga sadoqat bo'lsa.

Dunyodan umuman nohaqlik ketib,

Uning o'rniga ham adolat bo'lsa.

Bemorlar sog'ayib, oyoqqa turib,

Qaniydi ular ham salomat bo'lsa.

Ota farzandiga mehr ko'tsatib,

Suysin, erkalasin, bossin bag'riga

Farzand ham ularga g'amxo'rlik qilib,

Bola ham onadek mehribon bo'lsa.

Tirnoqqa zorlar ham farzandli bo'lib,

Sevinib ularga ismlar qo'ysa.

Eshitilib uyidan go'dak yig'isi

Ular ham go'dakning hidiga to'ysa.

Yurak ham jo'sh urib muhabbat uchun

Kundan-kunga sevsin go'zal yorini

Uni baxtli qilsin shirin so'z ila

Unga bag'ishlasin yo'q-u borini.

Bevafo yuziga boqmagin aslo

Lafzida turmagan bir nodon bo'lsa.

Ularga bo'lsa bas, aysh-ishrat, kulgu

Ko'ngilni xushlovchi bir jonon bo'lsa.

Sevgini o'yinchoq bilib yurganlar

Yorini ko'nglini azoblab yursa

Allohim ularga ishqingdan bergin

Mashrabdek olovli yuraklar ursa

Bog'larga kuz kelsa, daeaxtlar emas

Gullar emas, balki tikanlar so'lsa

Bulbullar sayrab, qo'shiqlar kuylab

Tabiat qaytadan yena uyg'onsa

Qalblarda yomon illatlar emas,

Yaxshilik iymon-u pok vijdon bo'lsa.

Niyatning sofligi, duo pokligi

Otamiz, onamiz bir jahon bo'lsa

Har bir kuninggizni g'animat biling

Har bir daqiqamiz mazmunli o'tsa.

Mehrlar ulashib, bir-birimizga

Ko'ngildan araz-u ginalar ketsa.

Hayotdan nolimang shukrona ayting,

Yurakning urgani bir unvon bo'lsa.

Yashaging keladi kundan-kun sayin

Hayot yo'limiz ham nurafshon bo'lsa.

Har bir kuninggizni g'ankmat biling

Odamzot dunyoda bir mehmon bo'lsa

Yashashning qadriga yeting azizlar

Umrimiz besh kunlik imtihon bo'lsa!