Glossariy abiogenez

Neftgaz provinsiyalari uyushmasi – geologik jihatdan yagona bo‘lgan va bir yoshda yoki rivojlanish tarixi jinsan bog‘liq platforma hududida ajratilgan barcha neftgaz provinsiyalarining yig‘indisi.
Neftgaz oblasti (NGO) – geologik tuzilishi, rivojlanish tarixi va har bir geologik davr mobaynida neftgaz hosil bo‘lishi va yig‘ilishida o‘tmish (paleo)geografik va tektonik sharoitlarning umumiyligi bilan farqlanadigan yaxlit bir yirik geotuzilma tarkibidagi hududdir.
Neftgaz rayoni (NGR) – neftgaz oblastining bir bo‘lagi bo‘lib, geotuzilmalarning xossa-xususiyatlariga qarab ajratiladigan u yoki bu neftgaz to‘planuvchi zonalarning yig‘indisidan iborat bo‘ladi.
Neftgaz yig‘iluvchi zonalar – geologik jihatdan o‘xshash, bir-biri bilan genetik jixatdan bog‘liq va yondosh, bir guruhga mansub tutqichlardagi konlarning yig‘indisidir.
Neftgaz (kon) lari – bir kichik maxalliy maydonda joylashgan bir yoki bir necha tutqichlardagi neftgaz uyumlarining yig‘indisidir.
Neftgaz uyumlari – bir yoki bir necha qatlamlarda umumiy neft-gaz-suv yoki neft-suv chegarasi bilan nazorat qilib turiladigan yagona to‘plam.
Neftgazli komplekslar (NGK) – cho’kindi qobiq va neftgazli provinsiyalar poydevorini yuqori qismining tog’ jinslari, organik moddalari, neft va gaz konlarining yagona hosil bo’lish va o’zgarish sharoitlariga hamda yagona gidrodinamik sharoitlariga ega bo’lgan tog’ jinslari kompleksini o’zida namoyon qiladi. Neftgazli komplekslarning litologik-stratigrafik hajmi bir-ikki yoki uchta chegaradosh (o’zaro bog’liq) formatsiyalarni qamrab oladi yoki ularning bir qismi hisoblanadi. Neftgazli komplekslar avvalo turli yo’llar bilan uglevodorodlarni to’plash, ba’zan generatsiyalash (ishlab chiqarish, yaratish) qobiliyatiga ega bo’lgan tabiiy tizimlar sifatida qaraladi.
O’tkazuvchanlik – tog’ jinslarining o’zidan suyuqlik va gazlarni o’tkazish qobiliyati.
Oltingugurt – mineral, formulasi S. Asosiy qo‘shimchalari AS, Se, Te. U kristallik, kolloid, suyuq va gazsimon holatlarda uchraydi.