Gapning uyushiq bo‘laklari haqida ma’lumot Bir umumiy bo‘lakka tobe bog‘lanuvchi, bir XIL sintaktik vazifa bajaradigan, o‘zaro teng bog‘lovchilar va sanash ohangi yordamida bog‘langan

Uyushiq to‘ldiruvchi

Gapdagi ikki va undan ortiq to‘ldiruvchi bir xil ma’noni (shaxsni yoki narsani) bildirib, bir xil shaklda (kelishik shaklida yoki ko‘makchilar bilan) kel­sa va sanash ohangiga ega bo‘lsa, ular uyushiq to‘ldiruvchilardir.

Masalan, Taram-taram olmalarni, asl nashvatilarni, po‘sti yupqa luchchak shaftolilarni qaymoqqa o‘xshash anjirlarni aytmaysizmi, bay-bay. (Oybek)

!!! Har xil ma’noni bildirgan, turli shakllarda kelgan to‘ldiruvchilar uyushiq bo‘lavermaydi. Masalan, Bu daftarni senga oldim gapidagi daftarni va sengа to‘ldiruvchilari uyushmagan. Chunki ularning biri (daftarni) narsa-buyum ma’nosini, ikkinchisi (senga) atalganlik ma’nosini ifodalaydi.

Namuna: 1. Insonlar ongida ona tabiatga mehr, yer, suv, olovni e’zozlash ustuvor bo‘lgan. 2. Olgan bilim va tajribangiz, odob-axloq, kasb-hunar bobidagi kamolingiz faqat yaxshilikka, bunyodkorlikka buyursin, avvalo. O‘zingizga, butun el-yurtimizga baxt-u saodat keltirsin. 3. Respublikamiz maktablari o‘quvchi hamda o‘qituvchilarini darsliklar va o‘quv qo‘llanmalari bilan ta’minlashni ko‘ngildagidek yo‘lga qo‘yaylik. 4. Qizlar urchuq bilan charxda ip yigirish, mato to‘qish, liboslar tikishni ham bilishlari lozim. («Avesto») 5. Yurtini balo-qazodan himoya eta oladigan o‘g‘lonlarga, yaxshi kelajak, porloq hayotni ravshan ko‘z bilan ko‘ra oladigan pok niyatli avlodlarga olqishlar bo‘lsln («Avesto») 6. «Avesto»da yigitlar kurash tushishni, chavandoz bo‘lishni, mol boqa olishni, chorvani yirtqich havvon va qaroqchilardan muhofaza qila bilishni o‘rganishlari shartligi aytiladi. 7. Ona Vatanga muhabbat, xalq, millat birligi, uning kelajak istiqboli, havot farovonligi va tinchligini dildan jo‘shib kuyladilar.