Ёритиш электр

СЭс типидаги муфталарни монтаж қилишда (6.21–расм, г, га қаранг) олинадиган пўлат қолипнинг ярми вақтинчалик жойига ўрнатилади ва ерга уланадиган симнинг (олдиндан уланадиган кабеллардан бирининг қобиғи ва зирҳига боьланган ва кавшарланган) узунлиги муфтанинг оғзидан чиқаришга етиш–етмаслиги текшириб кўрилади. Ерга уланадиган сим расмда кўрсатилгандек ётқизилади, кейин қолип олинади, ерга уланадиган сим эса бошқа кабелнинг зирҳ тасмасига ва қобиғига боғлаб қўйилади ҳамда кавшарланади.
Қолипни ўрнатишда унга компаунд қуйиш учун унинг ички сиртига, компаунд қотгандан кейин қолипни ажратиб олиш учун осон бўлиши учун, юпқа қилиб трансформатор мойи ёки солидор суртилади.
Кейинги монтаж операциялари С_эс муфтасини монтаж қилиш учун ички сирти мойланмайдиган, компаунд қотгандан кейин қолип туташмадан олинмайдиган пластмасса қолиплардан фойдаланиш мумкин. Туннелларда, каналлар ва бошқа кабель иншоотларидан ётқизилган эпоксид туташтириш муфталари ҳимоя кожухларига жойлаб механик шикастланишлардан сақланади. Кожух узунлиги 1250 мм ва диаметри 150 мм дан кам бўлмаган, ички сиртига қалинлиги 4–5 мм ли асбест икки қават қилиб солинган, металл труба бўлагидан иборат. Муфта жойлаштирилгандан кейин трубанинг учлари қалинлиги 20 мм ли асбоцементдан тайёрланган қопқоқ билан ёпилади, бунда қопқоқлардан бири винтлар билан маҳкамланади. Бошқа бошқваси эса маҳкамланмайди. Туташтирувчи муфта трубанинг қопқоғи маҳкамланган томонга суриб қўйилиши керак.
ОЭ муфтасини монтаж қилишда (6.22–расм) кабелларнинг учларига ишлов бериш ва ток ўтказувчи томирларни тармоқлаш операциялари СЧ_о чўян муфтасида тармоқлаш операциялари каби бажарилади. Эпоксид компаунд иш жойида металлдан ёки пластмассадан тайёрланган, ажраладиган бикр қолипга қуйилади. Ажраладиган қолипни ўрнатиш ва унга эпоксид компаунд қуйиш ишлари кабеллларни туташтирувчи СЭ эпоксид муфталарини монтаж қилиш даги каби бажарилади.



6.22–расм. Кучланиши 1 кВ гача бўлган кабеллар учун ОЭ типидаги эпоксидли тармоқлаш муфтаси:


1 – эпоксид компаунди суртилган пахта ипи тасмасидан ўрам, 2 – ерга уланадиган сим, 3 – тиргак, 4 – томирларнинг тармоқланиши, 5 – тармоқлаш гильзаси, 6 – қолипнинг устки ярми, 7 – қолипнинг остки ярми, 8 – тортиш болти, 9 – хомут.

СЭ ва ОЭ эпоксид муфталарининг асосий монтажи ўлчамлари 6.14–жадвалда келтирилган.

Туташтирувчи ва тармоқлаш эпоксид муфталарининг асосий

ўлчамлари

6.14–жадвал

Муфтанинг тип ўлчами	Қуйидаги кучланишларда кВ, томирларнинг кесимлари, мм^2				Ўлчами, мм
	1 кВ гача		6	10	L	D	а камида	b ка–ми да
	Уч томирли	Тўрт томирли
СЭ туташтирма муфталари (6.21–расмга қаранг)
СЭс–1 СЭс–2 СЭс–3 СЭс–4	10 гача 16–50 70–120 150–240	– 35 гача 50–95 120–185	– – – –	– – – –	330 400 440 510	40 50 75 80	8	10
СЭп–5 СЭв–5 СЭм–5	– – –	– – –	10–70	16–50	570 570 510	75 85 77	10	12
СЭп–6 СЭв–6 СЭм–6	– – –	– – –	– 95;120	79;95	620 620 560	85 95 87	10	12
СЭп–7 СЭв–7 СЭм–7	– – –	– – –	150;185	120;150	660 660 600	110 110 102	10	15
СЭп–8 СЭв–8 СЭм–8	– – –	– – –	240	185;240	730 730 670	120 120 112	10	115
ОЭ тармоқлаш муфталари (6.22–расмга қаранг)
ОЭ–1 ОЭ–2 ОЭ–3 ОЭ–4	25 гача 35–70 95–150 185–240	16 гача 25–50 70–120 150–185	– – – –	– – – –	500 560 620 750	56 66 76 96	– – – –	– – – –

6.12. Кабелларнинг учларига ишлов бериш

Аппаратлар, тақсимлаш қурилмаларининг шиналари ва электр қурилмиаларининг бошқа элементларига кабелнинг ток ўтказувчи томирлари уланадиган жой яқинида кабелнинг герметиклаш учун унинг учларига ишлов берилади.

Кучланиши 10 кВ тенг ва ундан кичик бўлган электр қурилмаларидан кабелларга пўлат воронкаларда, эпоксид компаунди поливинилхлорид лента билан ва резина қўлқопларида бажариладиган ишлов бериш тури қўлланади.

6.13. Кабелларнинг учларига пўлат воронкаларда ишлов бериш

Иситиладиган ва иситилмайдиган қуруқ хоналарда кучланиши 10 кВ гача бўлган электр қурилмаларидан кабелларнинг учларига пўлат воронкаларда ишлов бериш (типавий белгиси КВБ) ҳозирги вақтгача кенг қўлланмоқда. КВБ воронкаларида уч хилда ишлов берилади.

КВБм (6.23–расм,а)–қопқоқсиз ва чинни втулкаларсиз монтаж қилинадиган, кичик ўлчамли овалсимон воронкали. КВБм фақат кучланиши 1 кВ гача, томирларининг кесимлари: агар уч томирли бўлса–3*120 мм²; тўрт томирли бўлса–4*95 мм²; бўлган кабелларга ишлов беришда фойдаланилади.
КВБк (6.23–расм, б)–доиравий воронкали, бунда кабель томирлари воронкадан чиқиш жойида тенг томонли учбурчакнинг учларида жойлашади (воронка айланаси бўйлаб бир–биридан 120 силжитиб).
КВБо (6.23–расм, в) – овалсимон воронкали, бунда кабелнинг ток ўтказувчи томирлари воронкадан чиқиш жойида бир қаторга терилган ҳолда жойлаштирилади.

6.23–расм. Пўлат воронкаларда кабеллар заделкаларининг типлари:

а – КВБм, б – КВБк, в – КВБо; 1 – тунука пўлатдан ишланган воронка, 2 – ёпишқоқ поливинилхлорид тасма билан ўралган кабель томири, 3 – чинни втулка, 4 – воронка қопқоғи, 5 – М 8 болти, 6 – учлик, 7 – пастки ярим хомут, 8 – ерга уланадиган сим, 9 – қуйиладиган тешик қопқоғи, 10 – устки ярим хомут, 11 – смола шимдирилган тасмадан ўрам.

КВБо ва КВБк воронкаларидан кучланиши 10 кВ гача, ҳар қандай кесимли ток ўтказувчи томирларга ишлов беришда фойдаланилади; кабелларнинг кучланиши 3,6 ва 10 кВ бўлганда воронка қопқоқ ва чинни втулкаплар билан бирга кучланиши 1 кВ гача бўлганда эса қопқоқсиз ва втулкасиз монтаж қилинади.

Кабелда пўлат воронкани монтаж қилиш да унинг учига ишлов бериш ишлари асосан СЧ_о чўян муфталарда улаш учун ишлов бериш каби бажарилади, воронкани монтаж қилиш нинг кейинги операциялари қуйидагича бажарилади (6.24–расм).



6.24–расм. Кабелнинг учига КВБ воронкасини монтаж қилиш :
а, б, в, г, д, е, ж, з – операциялар тартиби.

Кабелнинг кучланиши ва ток ўтказувчи томирларнинг кесимлари бўйича танланган пўлат воронка ифлосликдан тозаланади, кабелга кийдирилади ва ифлосланмаслиги учун воронка қоғозга ўраб кабелнинг ишлов бериладиган томонига (6.24–расм, а) суриб қўйилади. Кабелнинг ишлов берилган қисмини 130 С гача қиздирилган МП–1 мастикаси билан парт қилинади ва ток ўтказувчи томирларга чинни втулкалар ўрнатиладиган жойлар белгилаб қўйилади, сўнг бу белгилардан ишлов бериш четига 50 мм қолдириб томирларга (6.24–расм, б) уч–тўрт қатлам ёпишқоқ поливинил–хлорид лента ўралади; лента кейинги ўрам олдингисининг ярмини қоплайдиган қилиб томирлар учидаги очилган қисмигача ўралади.

Воронка кабелда ўрнатиладиган жойига вақтинча сурилади ва томирларни воронкада жойлаштириб (6.24–расм, в) чинни втулкалар ва воронканинг оғзи жойлашадиган жой аниқланади, сўнгра яна кабель бўйлаб суриб қўйилади.
Ерга уланадиган сим кабелнинг қобиғига (6.24–расм, г) ва унинг зирҳига (6.24–расм, д) сим бандаж билан боғлаб қўйилади, кейин икки уч минут давомида кавшарланади (6.24–расм, е), сўнгра кабелга ишлов беришда унинг беллама изоляцияси устида қолдирилган қобиқнинг ҳалқасимон камари олиб ташланади.
Кабелнинг зирҳида (воронканинг оғзи турадиган жойда) бир неча қатлам (одатда 6–8) смолали тасма ўралади. Кабелда воронка зич ўтириши учун лента конуссимон тарзда ўралади. Лента уч ёки тўрт қатлам ўралгандан кейин ерга уланадиган сим кабель бўйлаб ётқизилади ва лентанинг қолган қатламлари ўралади (6.24–расм, ж), бунда ерга уланадиган сим подмотка (тасма) нинг ўртасида бўлиши керак.
Воронкани жойига ўрнатиб уни подмоткага маҳкам кийгизилади, ворнканинг оғзига икки–уч қатлам смола суртилган лента қўйилади ва хомут, больтлар ёрдамида кабель, воронка ҳамда ерга уланадиган ишлаб турувчи тузилишга боғлаб қўйилади (6.24–расм, з).
Томирларга воронка қопқоғи ва чинни втулкалар кийдирилади, бунинг учун олдин белгиланган втулкалар жойлашадиган жойларга ёпишқоқ поливинилхлорид лентадан ёки цапонглифтал локи суртилган локланган матода конуссимон подмотка қўйилади.
Кабель томирларини электр истеъмолчисига улаш учун энг қулай шакл бериб эгилади, кейин учликлар билан ишлов берилади ва аппаратнинг ёки тақсимлаш қурилмасининг лозим бўлгант контактига уланади.
Пўлат воронкаларда кабелларга ишлов беришда монтаж қилиш нинг якунловчи операцияси кабелнинг кучланиши ва атроф муҳит шароитига қараб воронка битум–кабель мастикасини қуйишдир. Қуйишдан олдин воронка 50–60 С гача, кабель мастикаси 130 С гача қиздирилади. Қиздирилган мастика қуйиш тешигидан узлуксиз оқим тарзида варонкага қуйилади. Кабель мастикаси совиган ва чўккан сари воронкага шундай миқдорда мастика қуйиладики, мастиканинг охирги сатҳи (учун тўлиқ қотганидан кейин) воронканинг устки четидан кўпи билан 10 мм паст бўлсин.
Воронка, хомут ва ушлаб турувчи тузилиш эмалp бўёқ билан (№270, ПХ–715 ва бошқа) икки марта бўяб қўйилади.