Ёритиш электр

6.14. Эпоксид компаундидан тайёрланган воронкада кабелларнинг заделкаси

Учларига эпоксидли ишлов бериш оддийлиги, яхши герметикликни ва кимёвий турьунликни таъминлаши, шунингдек юқори электрик ва механик мустаҳкамлиги билан фарқ қилади, бу уларни чинни втулкаларсиз ва ҳимояловчи металл кожухсиз тайёрлашга имкон беради. Шу билан бирга улар ёньин чиқиши жиҳатдан хавфсиз ва исслиқликка чидамли; бундай воронкаларнинг иш температураси – 50 дан дан +90 С гача. Улар умумий КВЭ типавий белгиларга ва ҳар қандай хоналар ичида,шунингдек ташқи электр қурилмаларида кучланиш изоляция 10 кВ гача бўлган куч кабелларнинг изоляция учларига ишлов беришда ишлатилади. Ташқи электр қурилмаларида ишлатилганда уларга атмосфера ёьинлари ва қуёш нури бевосита таъсир этмаслиги шарт.

Ишлов беришда(заделкада) эпоксидли корпус кабель учига вақтинча кийгизиладиган қолипга қўйилган эпоксид компаунд қотгандан кейин ҳосил бўлади. Корпус конссимон воронка кўринишига эга.
КВЭ типидаги (6.25–расм) эпоксид корпусли конуссимон шаклдаги заделкалар қуйидагича тайёрланиши мумкин:
КВЭн (6.25–расм, а) – қуруқ хоналарда ишлатиш учун томирларда найрит резинасидан тайёрланган найчали;
КВЭд (6.25–расм, б) – зах хоналарда ва тропик ҳамда субтропик иқлимли туманларда ишлатиш учун, томирлари икки қатламли (пастки қатлами поливинилхлорид, усткиси–полиэтилендан ишланган) найча ичига олинган;
КВЭп (6.25–расм, в) – заделканинг корпуси ичида кабелнинг томирларига кавшарланган корпусдина изоляцион симлар чиқарилган, КВЭд типидаги заделка фақат томирларнинг кучланиши 1 кВ гача бўлган кўп симли кабеллар учун;
КВЭз (6.25–расм, г) – бир симли томилари найрит резаинасидан ишланган найча ичига олинган ва КВЭд типидаги заделкалар шароитида фойдаланиш учун эпоксид корпус ичида “қулф” қурилмаси бор, фақат томирларининг кучланиши 1 кВ гача бўлган бир симли кабаллар учун.

6.25–расм. Кабелларнинг учларига эпоксидли заделка қилиш :

а – КВЭн, б – КВЭд, в – КВЭп, г – КВЭз; 1 – учлик, 2 – бандаж ёки хомут, 3 – найрит резинасидан найча, 4 – завод изоляцияси ўралган ток ўтказувчи томир, 5 – эпоксид компаундидан корпус, 6 – белбоғ изоляцияда даьал ипдан бандаж, 7 – кабель қобиғи, 8 – икки қатламли ўрам, 9 – ерга уланадиган симнинг сим бандажи, 10 – ерга уланадиган сим, 11 – эпоксид компаунди суртилган пахта ипи тасмасидан ўрам, 12 – икки қатламли найча, 13 – изоляцияланган сим, 14 – томирлар кавшарлаб уланган жойи, 15 – ёпишқоқ поливинилхлорид тасмасидан ўрам, 16 – томирнинг очилган қисми.

Қайд қилингандан ташқари қуйида эпоксид корпуссиз, лекин эпоксид компаунди билан елимланган пахта ипи лентасидан подмотка қилинган КВЭо заделкаси ҳам қўлланилади; заделкалар кучланиш 1 кВ гача бўлган бир томирли кабелларнинг учларига КВЭН ва КВЭд типидагилар каби ишлов бериш шароитларидан фойдаланишга мўлжалланган. Заделкалар кабелларга ишлов берилгандан кейин монтаж қилинади, бу ишни илгари келтирилган, кабелларни муфталарда улаш учун уларнинг ишлов беришдаги умумий кўрсатмаларига мос ҳолда бажарилади.

КВЭн заделкасини монташ қилиш да томирларга герметиклайдиган найрит резинасидан найча кийгизилаётганда уларнинг изоляцияси буралиб кетмаслиги учун кабель томирларига ёпишқоқ поливинилхлорид тасма орасини очиқ қилиб ўраб чиқилади. Найрит резинасидан тайёрланган найчанинг эпоксид корпусида қуйилиши лозим бўлган учининг ички ва ташқи сирти ацетон ёки бензин билан артиб ёғсизлантирилади, сўнгра 5–6 мин. ўтгандан кейин (эритувчи учиб кетгандан сўнг) ёғсизлантирилган юзалар эгов ёки пичоқ билан ғадир–будир қилинади. Найчанинг учликка кийгизиладиган бошқа учликка кийдириладиган учининг фақат ички томонига худди шундай ишлов берилади, ундан кейин найчанинг иккала учининг сиртларига юпқа қатлам қилиб эпоксид компаунди суртилади.
Найрит резинасидан тайёрланган найча томирлар изоляциясига осон кириши учун уларнинг қоғоз изоляциясига поливинилхлорид локи сурилади. Ундан кейин томирларга найча кийдирилади, вақтинча уларни кабелнинг четига суриб қўйилади ва томирларнинг учларига учликлар кийдирилади. Кейин томирлар қоғоз изоляциясининг кесилган жойи билан учликлар орасида ҳосил бўлган оралиққа лентанинг пахта ипи толасидан тўқилган тасма ўралади.

Эпоксидли КвЭн, КвЭд, КвЭп ва ВКЭз заделкаларини монтаж қилиш

учун кабелларга ишлов бериш ўлчамлари
6.15–жадвал

Заделкаларнинг тип ўлчамлари	Ўлчамлари, мм (6.26–расм)
КВЭн–1, КВЭд–1	Ж+50	35	15	–	–
КВЭн–2, КВЭн–3, КВЭн–4 КВЭд–2, КВЭд–3, КВЭд–4	Ж+55	35	20	–	–
КВЭн–5, КВЭн–6, КВЭн–7 КВЭн–8, КВЭн–9, КВЭн–10 КВЭд–5, КВЭд–6, КВЭд–7 КВЭд–8, КВЭд–9, КВЭд–10	Ж+70	50	20	–	–
КВЭп–1, КВЭП–2 КВЭп–3, КВЭП–4 КВЭп–5, КВЭП–6 КВЭп–7	170 210 240 245	35 50 50 50	20 20 20 20	40 45 50 55	– – – –
КВЭз–1 КВЭз–2, КВЭз–3 КВЭз–4, КВЭз–5	Ж+55	35	20	–	90 95 120

Эслатма: 1. Кабелларнинг томирларига ишлов бериш узунлиги (Ж–ўлчами) туташтирилиш шароитига қараб қабул қилиниши керак, лекин кучланиш 1 кВ гача бўлганда 150 мм дан, 6 кВ бўлганда 250 мм дан, 10 кВ бўлганда 400 мм дан кам бўлмаслиги керак.
2. КВЭн, КВЭд, КВЭз типидаги заделкалар учун Г ўлчам томирларга ишлов бериш усули билан аниқланади.

Бунинг учун аввал тасманинг ҳар бир ўрамига яхшилаб эпоксид компаунди суртилади. Бу қисм текислангандан кейин учликнинг цилиндрик қисмига найрит резинадан тайёрланган найча учликка куч билан итариб киритиладиган йўьонликда лента ўралади. Найча учликда тўқали металл камарча ёки йигирилган ипнинг бир неча ўрамидан тайёрланган бандаж билан боғлаб маҳкамланади. Қобиқ поьонаси ва кабелнинг ишлов берилаётган учи томонидаги зирҳнинг устки қисми ацетон ёки бензин билан ёғсизлантирилади, кейин эпоксид компаунди яхши ёпишиши учун сирти йирик тишли эгов билан эговланиб, ғадир–будир қилинади; қобиғига ва зирҳига икки қатлам эпоксид компаунди яхшилаб суртилган пахта ипидан тайёрланган тасма ўралади.

Кабелнинг ишлов берилган учига поливинилхлорид ёки винипласт листидан конус шаклида ўралган резина боьланган олинадиган қолип ўрнатилади. Қолипни иш жойида мавжуд материаллар, масалан картон, тунука ёки лист пўлатдан ҳам фойдаланиш мумкин. Лекин, бундай материаллардан тайёрланган қолипни ўрнатишдан олдин унинг ичига, эпоксид компаунди қотгандан кейин уларни ажратиб олиш осон бўлиши учун, юпқа қатлам трансформатор мойи, солидор ёки техник вазелин суртилади.
Қолипда томирларнинг ўзаро тўри жойлашганлиги ва томирлар билан унинг қирралари орасидаги масофада текширилади; томирлар қолипдан чиққанда (компаунд қотгандан кейин воронка корпусидан чиққанда) бир–биридан ва қолип четидан бир хил, лекин камида 7 мм, масофада бўлиши керак.
Компаунд қолипга узлуксиз оқим тарзида лозим бўлган сатҳгача қуйилади. Компаунднинг кетиш жараёни (полимерланиш) тамом бўлгандан кейин кабелнинг ичидан қолип чиқариб ташланади, ҳосил бўлган эпоксид корпус ёриқлар, учиб синган, ток ўтказувчи томирларнинг очилиб қолган қисмлари ва кабелга кучланиш беришга халақит берадиган бошқа нуқсонлари йўқлигига ишонч ҳосил қилиш учун яхшилаб кўздан кечирилади.
КВЭд, КВЭп ва КВЭз кабеллар учидаги воронкалар ҳам КВЭн воронкаси каби тайёрланади, лекин улар асосан ишлатиладиган материаллар номенклатураси, кабелларнинг ток ўтказувчи томирларини эпоксид корпусидан чиқариш усули ва монтаж қилиш айрим операцияларини бажариш усулига қараб ундан фарқ қилади.