Ёритиш электр

КВЭд эпоксид воронкасидан зах хоналарда фойдаланилади, шунинг учун КВЭн воронкаларида фойдаланилган найрит резинасидан тайёрланган найча икки қаватли найча билан алмаштирилган, улардан бир қатлами (ичидагиси) поливинилхлоридда нишланган бўлиб, у кабель изоляцияси шимдирилган мойларнинг ва қоришмаларнинг емирувчи таъсиридан сақлаш хусусиятига эга; бошқа қавати (усткиси) эса полиэтилендан тайёрланган ва воронкани атроф муҳит таркибидаги намлик киришидан сақлайди.
Томирга икки қаватли найчани кийгизишдан олдин қийшиқ кесилган учининг бошидан (6.25–расм, б қаранг) найчанинг устки полиэтилен қавати 20 мм масофада олинади, кейин очилиб қолган поливинилхлорид қатламида ғадир–будир сирт ҳосил қилиш учун эгов билан эговланади. Найча томирга кийгизилади, ҳосил бўлган поливинилхлорид қатламини эса, кабелга шимдириладиган қоришма найча қаватлари орасига ўтишининг олдини олиш учун, ПЭД–Б елими юпқа қатлам тарзида суртилади. Найчанинг учликка кийгизиладиган учининг ички сирти ҳам шу елим билан қопланади. Монтаж қилинган заделкани (воронкани) Эп–51 ёки ГФ–92ХС эмалли мой билан мойланади.
КВЭп эпоксид заделкалари КВЭн заделкасидан кабель томирлари эпоксид корпусдан найчаларда эмас, балки заделканинг ичида гильзаларда кабель томирларига кавшарланган изоляцияланган симлар ёрдамида чиқарилиши билан фарқ қилади. Заделкадан чиқариш учун кесими кабель томирининг кесимига тенг бўлган ПРТШ симидан фойдаланилади.
КВЭз эпоксид заделкалари КВЭн заделкасидан эпоксид корпусининг ичидаги жойлашган кабелнинг яхлит томирларида изоляцияси олинган томир қисмлари кўринишида “қулф” лар ҳосил қилиш билан фарқ қилади. 6.26–расм, б расмда кабелга ишлов бериш кўрсатилган.

6.26–расм. Учига эпоксид заделкаси монтаж қилиш учун кабелга ишлов бериш:

а–КВЭн, б–КВЭд ва КВЭп, 1–кабель зирҳи, 2–қобиқ, 3–белбоғ изоляцияси, 4–завод изоляциясига ўралган томир.

Ишлов беришда томирларнинг 25 мм изоляцияси олинади. Найрит резинасидан тайёрланган найчаларининг узунлиги улар томирларга кийгизилганда устки қисми учликнинг цилиндр қисмини ўз ичига оладиган бўлиши, пастки қисми «қулф» ни қоплаши учун эпоксид корпуси ичига 21+2 мм ботирилган бўлиши керак.

Қолипни кабелнинг учига ўрнатишдан олдин томирларнинг очиқ қисмлари, эпоксид компаунди улар билан мустаҳкам ёпишиши учун, ацетон ёки бензин билан яхшилаб ёғсизлантирилади.