Ёритиш электр

6.11. Кабелларни эпоксид муфталарда туташтириш

Кабелларни бир–бирига улашда эпоксид муфталардан кенг фойдаланалади. Чўян ва қўрғошин муфталарига қараганда эпоксид муфталар қатор афзалликларга эга: уларнинг ўлчамлари кичик ва енгил бўлади, монтаж қилиш учун кам вақт ва меҳнат талаб қилади, металлар билан яхши илашиш хусусиятига(адигезияга) эга, герметик, зангламайди ва намликка чидамли.

Эпоксид муфталар заводларда тайёрланади ва монтаж объектларига бўш корпус (қобиқ) кўринишида келтирилади. Бундай корпус кабеллар уланадиган қисмда ўрнатиладиган сўнг унинг ичи эпоксид смола, пластификатор, тўлдиргич ва қотиргичдан иборат эпоксид компаунди билан тўлдирилади. Пастификаторлар ва тўлдиргичлар эпоксид смолани иссиққа чидамлилигини, эластиклигини, механик пишиқлигини оширади ва компаунднинг температурадан кенгайиш коэффициентини, кабелларни улашда компаунд тегиб турадиган миснинг, алюминий ва қўрғошиннинг температурадан кенгайиш коэффициентига яқин даражада камайтиради. Қотиргич эпоксид смоланинг полимерлаштириш жараёнини ва шу асосда кампаунднинг қотиш вақтини тезлаштириради.
Эпоксид муфталаридан асосан кучланаши 1,6 ва 10 кВли кабелларни улашда ва куяланиши фақат 1 кВ гача бўлган кабелларни тармоқлашда фойдаланилади.
Кабелларни улайдиган эпоксид муфталарга СЭ, тармоқлаш муфталарига ОЭ умумий белгилар берилган. Бириктириш СЭ эпоксид муфталарининг қуйидаги конструктив турлари мавжуд: С_эп (6.21–расм, а) муфтаси–ўрта қисмида кўндалангига ажраладиган икки қисмдан тузилган эпоксид корпусли, ерга уланадиган сим муфтанинг ташқарисида жойлашади; С_эв (6.21–расм, б) – вертикал юзада бўйламасига ажраладиган икки қисмдан иборат бўлган эпоксид корпусли, ерга уланадиган сим корпуснинг пастки қисмида махсус паздав жойлашади; С_эм (6.21–расм, в) – тахта пўлатдан экранли ва қўрғошиндан тайёрланган манжетдан кавшарланган иккита конусли, эпоксид корпусли. Конуслардан бири заводда муфтанинг цилиндр қисмига, бошқасига–манжет қилиш жойида бириктирилади; С_эс (6.21–расм, г) – кабеллар туташтириладиган жойда уларининг учларида ўрнатиладиган ажраладиган металл қолипга қуйилган компаунднинг қотиши натижасида ҳосил бўладиган эпоксид корпусли.

6.21–расм. Эпоксидли бириктириш муфталарида кабелларни бириктириш:

а – СЭп, б – СЭв, в – СЭм, г – СЭс; 1 – муфта корпуси, 2 – тиргак, 3 – томир ўрами, 4 – сим бандаж, 5 – ерга улаш учун сим, 6 – томирларни улаш, 7 – пишитилган даьал ипдан бандаж, 8 – герметиклайдиган ўрам, 9 – корпус экрани, 10 – қўрғошин манжет.

Кучланиши 6 ва 10 кВ ли кабелларни улаш учун СЭЦ, СЭВ ва СЭ_м эпоксид муфталари, кучланиши 1 кВ гача бўлган кабелларни улаш учун С_эс эпоксид муфталардан фойдаланилади.