Ёритиш электр

Кабелнинг болбоь изоляцияси устидаги ҳалқасимон камари олиб ташланади, сўнг ҳар бир кабельнинг қобиғи очилади (6.20–расм, в) ва муфта билан туташтириш учун электр майдони кучланганлигининг кабель изоляциясининг диаметридан муфта изоляцияси диаметрига бир текисда ўтиши учун, эгов билан эговланади. Томирлар изоляциясини олиб ишлов беришда, томирларга қоғоз изоляциясини ўрашда ва кабелларнинг қобиғини очишда туташадиган барча қисмлар 130С гача қиздирилган МП–1 кабель мастикаси билан 1–2 марта куйдирилади (парт қилинади, уларга намликни, ифлосликларни ва металл қолдиқларини, шунингдек нобуд бўлган шимдирилган кабель мастикасини ўрнини тўлдириш ва шундай қилиб кабелнинг изоляциясини тиклаш учун.
Сферик шакл бериш учун ёғоч валик билан трубанинг олдин бир учини кейин бошқа учи ишқаланади (6.20–расм, г). Бунда ҳосил бўлган муфтанинг учлари бутун айланаси бўйича уланадиган кабелларнинг очилган қобиқлари четига тегиб туриши керак.
Муфта кабель қобиқларига (6.20–расм, д) кавшарлаб бириктирилади, бунда кавшарлаш вақти 2–3 минутдан ошмаслиги лозим.
Муфта томонлари 25–30 мм ли тенг томонли учбурчак кўринишдаги иккита қуйиш тешиги очилади (6.20–расм, е) ва ҳосил бўлган тилчалар вақтинча муфтанинг корпусига эгиб қўйилади.
Муфта кавшарлаш лампасини ҳаракатлантириб туриб 40–50С гача қиздирилади ва унга (қуйиш тешигига қўйилган воронка орқали) 170–180С гача қиздирилган МБ кабель мастикаси қўйилади. Кабель мастикаси бир тешикдан қўя бошланади ва бошқа тешикдан мастика билан бирга ҳаво пуфакчалари ва кўпик чиқиши тўхтаганда тўхтатилади. Совигандан ва муфта мастика чўккандан кейин иккала тешикдан муфта тўлгунча яна мастика қўйилади. Кейин муфтада очилган тилчалар қайириб тўғриланади, шу асосда қуйиш тешиклари ёпилади ва кавшарлаб қуйилади.
Тўла монтаж қилинган муфтани эгилувчан сим сим бўлаги билан ерга уланади. Сим бўлаги иккала кабелнинг қобиқларига ва зирҳ қопламаларига, шунингдек муфтанинг корпусига кавшарлаб қўйилган ёки сим бандажлар билан боғлаб қўйилган.
Ерда ёки кабель иншоотида ўрнатиладиган қўрғошин муфтани механик шикастланишлардан сақлаш учун К_зЧ типидаги герметикланмаган чўян кожухга ёки К_зС типидаги ойна–пластик кожухга жойлаштирилади.
Қўрғошин муфталар ерда, ер ости сувлари даражасидан растда, лекин ернинг музлаш даражасидан юқорида жойлашганда уларни махсус герметиклайдиган мастика билан тўлдириладиган К_зЧГ типидаги чўян кожухлар билан ҳимояланади.