Ёритиш электр

6.8. Кабелларни ерга улаш

Кабелларни улайдиган чўян муфталарда уланган кабеллар кесимлари қуйидагича бўлган иккита эгилувчан мис сим бўлаклари воситасида ерга уланади.

Ерга уладиган симларнинг кесимлари, мм2 (камида)	Кабеллар ток ўтказувчи томирларининг кесимлари, мм^2
6 10 16 25	10 гача 16,25,35 50,70,95,120 150,185,240

Ерга улайдиган симнинг узунлиги шу сим кабелнинг қобиғи ва зирҳ қопламасига улаб ва яна уни муфтанинг контакт юзачасига улашга етадиган қилиб танланади.
Ерга уланадиган сим кабелнинг қобиғи ва зирҳ қопламасига қуйидаги тартибда кавшарланади. Кабелнинг зирҳ қопламаси қўрғошин ва қобиғи пўлат чўтка билан металл оқаргунча тозаланади ва улар ПОС–30 кавшари билан, кабелнинг алюминий қобиғинир эса А кавшари билан оқартирилади (қалай югуртирилади). Ерга уланадиган симнинг бир учи ялпоқланади ва уни кабеллар бирининг қобиғига ва зирҳ қопламасга кавшарланади. Кавшарлашдан ташқари ерга уланадиган симни 1,2–1,5 мм ли рухланган симдан 3–4 ўрамли иккита бандаж билан қобиққа ва зирҳ қопламасига маҳкам боғлаб қўйилади. Агар зирҳ қопламаси пўлат ленталардан иборат бўлса, ерга уланадиган сим иккала лентага ҳам кавшарланади; агар зирҳ қопламаси ясси ёки доиравий симлардан тайёрланган бўлса, ерга уланадиган сим кабель айланаси бўйлаб ҳамма симларга кавшарланади. Ерга уланадиган сим фақат кавшарлаш билан ёки бандажлар воситасида боғлаб маҳкамлаш билан чегараланилмайди.
Ерга уланадиган симни муфтанинг контакт юзачасига улаш учун унинг бўш учига учлик кавшарланади ёки прессланади. Уланадиган кабелларнинг иккинчисига ҳам ерга улайдиган сим шунга ўхшаш учлик билан ишлов берилади ва бириктирилади.
Кабелларнинг ток ўтказувчи томирларини улаш операцияси тамом бўлгандан ва уларга ерга уланадиган симлар улангандан сўнг кабелларни туташтирувчи муфтани монтаж қилиш га ўтилади.