Ёнfин хавфсизлиги

13. Ёнғин хавфсизлиги хизмати гарнизонининг хизмат ҳужжатлари /1/

Ёнғин хавфсизлиги гарнизонининг хизмат ҳужжатлари рўйхати

	Ҳужжатларнинг номланиши	Ўзгартириш ва тўлдириш вақти	Сақлаш Жойи	Сақлаш Муддати
1	2	3	4	5
1	Шахсий таркибни тайёрлаш ва ёнғин ўчиришни ташкил қилиш бўйича асосий ҳужжатлар (буйруқлар, қуролли кучлар низомлари, кўрсатмалар, қўлланмалар ва бошқ).	-	Гарнизон бошлиғида ЁЎШ да	Янгисига алмашти- рилгунга қадар
2	Ёнғин хавфсизлиги бўлинмаларининг чиқиш туманлари, сув манбалари, ўта муҳим ва тоифаланган объектлар, катта ва мураккаб ёнғинларни ўчириш таянч масканларининг чиқиши кўрсатилган вилоят (республика, шаҳар) режа-харитаси.	Керак бўлганда	ЁХМДХ ва ЁЎШ хонасида	Янгисига алмашти- рилгунга Қадар
3	Ёнғин хавфсизлиги МДХ журнали	Навбатчилик давомида	ЁХМДХ да	3 йил
4	Вилоят (республика, шаҳар) гарнизонидаги куч ва воситаларни ҳисобга олиш журнали	Смена алмашгандан сўнг	ЁХМДХ да	3 йил
5	Вилоят (республика, шаҳар) да содир бўлган ёнғинларни ҳисобга олиш журнали	Навбатчилик давомида	ЁХМДХ да	3 йил
6	Вилоят (республика, шаҳар) гарнизонидаги сув олиш гидрантларининг сони, жойлашиши, манзили (диаметри) ҳамда ҳовузлар ҳақида маълумотнома.	Зарурият бўлганда	ЁХМДХ да	Янгисига алмашти- рилгунга қадар
7	Вилоят (республика, шаҳар) бўйича уйларнинг тартиб рақамлари кўрсатилган кўчалар, йўллар, шаҳар майдонлари ҳақида режа-харита маълумотномаси.	Зарурият бўлганда	ЁХМДХ, ҚДХ ва барча тезкор автомобиллар-да	Янгисига алмашти- рилгунга қадар
8	ИИВ ЁХББ, вилоят ИИБ телефонлари, вилоят (шаҳар)нинг ҳамкорликдаги хизматларининг телефонлари рўйхати, ҳарбий комендатура телефони ва бошқалар.	Зарурият бўлганда	ЁХМДХда	Янгисига алмашти- рилгунга қадар
9	Ёнғин ҳақида хабар олинганда куч ва воситаларни юбориш тартибини, махсус хизматлар билан ўзаро ҳамкорлик ташкил қилишни белгиловчи ЁХМДХ лавозимли шахсларнинг бурч йўриқномалари.	Зарурият бўлганда	ЁХМДХда	Янгисига алмашти- рилгунга қадар
10	Ёнғин хавфсизлиги бўлинмаларининг ҳамкорликдаги хизматлар, вазирлик ва идоралар билан ўзаро ҳамкорлик қилиш йўриқномаси	Зарурият бўлганда	ЁХМДХда	Янгисига алмашти- рилгунга қадар
11	Гарнизон жанговар тайёргарлиги режа-жадвали (ЁЎТМ чиқиш туманини ўрганиш, иссиқ тутунхонада шахсий таркиб билан машқ, оловли йўлакда руҳий тайёргарлик).	Ўқув йили учун ишлаб чиқилади (тузилади)	ЁХМДХда, ЁЎШ хонасида	Янгисига алмаштирилгандан сўнг 1 йил
12	Гарнизон ёнғин ўчириш автомобилларининг техник қаров ўтказиш жадвали.	Ҳар йили ишлаб чиқилади (тузилади)	ЁХМДХда ЁЎШ хонасида	Янгисига алмашти- рилгунга қадар
13	Телефонограммаларни қайд этиш китоби		-	1 йил

Эслатма: Гарнизон бошлиғи ёки унинг топшириғига биноан бирор шахс ҳар чоракда камида бир марта ёнғин хавфсизлиги хизмати гарнизонининг хизмат ҳужжатларининг сақланишини, юритилишини ва ундан фойдаланилишини текшириши ва ўз вақтида керакли тузатишлар киритиши лозим.


14. Смена хизмати. Смена хизматини ташкил қилиш /1/
Смена (қоровул) хизмати – ёнғин хавфсизлиги бўлинмалари навбатчи сменалари томонидан олиб борилади ҳамда шахсий таркибдан жанговар вазифаларни аниқ бажаришни, сергакликни, жасурликни ва ташаббускорликни талаб қилади.
Смена хизматининг вазифалари қуйидагилардан иборат:
-навбатчи сменаларни ёнғин ўчиришга, одамларни қутқаришга, фалокат, табиий офат содир бўлганда шаҳар (корхона)нинг керакли навбатчи хизмати ходимларига ёрдам беришга доимий тайёргарлигини таъминлаш;
-ёнғинга қарши сув тармоқларини, алоқа воситаларининг яхши ишлашини ва кўчаларнинг ҳолатини назорат қилиш;
-муҳофаза қилинаётган масканларнинг ёнғинга қарши ҳолатини навбатчилик давомида назорат қилишни таъминлаш.
Ҳарбийлаштирилган ёнғин хавфсизлиги қисмларида навбатчилик хизмати уч сменада, касбийлаштирилган ёнғин хавфсизлиги қисмларида эса тўрт сменада амалга оширилади. Ҳар қайси смена навбатчилиги 24 соат давом этади.
Смена жанговар ҳисобига бемор ва иш жойида алоҳида тайёргарликдан ўтмаган шахсларни киритиш ман этилади.
Ёнғин хавфсизлиги қисмининг жанговар ҳисобида ва захирасида турган барча автомобиллари ёнғин ўчириш ҳамда одамларни қутқариш учун зарур асбоб-анжомлар билан жиҳозланган ҳолатда смена ихтиёрида бўлади. Смена ихтиёридаги ёнғин ўчириш автомобилларининг, ёнғин ўчириш қуролларининг доимо жанговар ҳолатда бўлишини ва озода тутилишни таъминлаш сменанинг барча шахсий таркибига юклатилади.
Смена шахсий таркиби жанговар кийим, асбоб-анжом ва ҳимояловчи газниқоб билан таъминланиши керак. Жанговар кийим ва асбоб-анжомлар ҳар бир ёнғин ўчирувчига бириктирилган бўлиши ва бўй-бастига қараб тайинланган бўлиши лозим.
Носоз ёнғин ўчириш автомобиллари ва ёнғин ўчириш қуроллари қуйидаги тартибда зудлик билан алмаштирилади:
-захирада ёнғин ўчириш техникаси бўлса, туман (шаҳар) ёнғин хавфсизлиги бўлими бошлиғи буйруғига асосан алмаштирилади, захирада техника бўлмаса, ёнғин хавфсизлиги гарнизони бошлиғи буйруғига асосан алмаштирилади;
-ёнғин ўчириш қуроллари смена бошлиғининг буйруғига асосан алмаштирилади ва қисм бошлиғига ахборот берилади.
Ёнғин ўчириш автомобилига 1-2-техник хизмат кўрсатишда автомобил жанговар ҳисобдан чиқарилади ва захирадаги автомобил жанговар ҳисобга қўйилади. Ёнғин ўчириш автомобилларига техник хизмат кўрсатиш учун жанговар ҳисобга қўйиш тартиби жойлардаги шароитга қараб гарнизон бошлиғи томонидан белгиланади. Жанговар ҳисобда турган техника сонини штатда эълон қилингандан камайтириш тақиқланади.
Ёнғин хавфсизлиги қисми навбатчи сменасининг асосий лавозимли шахслари қуйидагилар ҳисобланади:
-смена бошлиғи;
-қисм диспетчерлик хизмати диспетчери (радиоалоқачиси);
-экипаж командири;
-ёнғин ўчириш автомобили ҳайдовчиси;
-катта ёнғин ўчирувчи, ёнғин ўчирувчи.
Ёнғин хавфсизлиги қисми жанговар ҳисобида турган ёнғин ўчириш техникасининг турига ва штатига қараб смена таркибига мансабдор шахслар кириши мумкин. Уларнинг хизмат вазифалари қисм бошлиғи томонидан ишлаб чиқилади.