7. Ёнғин хавфсизлиги гарнизони бошлиғи ва унинг хизмат мажбурияти /1/
Республика ИИВ ЁХББ бошлиғи Ўзбекистон Республикаси ёнғин хавфсизлиги гарнизонининг катта тезкор бошлиғи ҳисобланади. Қорақалпоғистон Республикаси ИИВ, Тошкент шаҳар ИИББ, вилоятлар ИИБ ЁХБ бошлиқлари бир вақтнинг ўзида республика, вилоят ҳамда республика ва вилоят марказлари ёнғин хавфсизлиги гарнизонининг тезкор бошлиқлари ҳисобланадилар. Республика, вилоят маркази бўлмаган туман, шаҳар ёнғин хавфсизлиги гарнизонининг бошлиғи этиб ИИВ, ИИБ буйруғи билан ёнғин хавфсизлиги хизматининг лавозими катта бошлиғи тайинланади. Гарнизон ва смена хизмати масалалари бўйича ёнғин хавфсизлиги гарнизонининг бошлиғига гарнизон таркибига кирувчи барча тезкорлик хизмати, ёнғин хавфсизлиги бўлинмалари, ёнғин хавфсизлиги хизматининг ўқув ва илмий муассасалари бўйсунади.
Ёнғин хавфсизлиги гарнизони бошлиғи гарнизоннинг ёнғинга қарши курашини ташкил қилади, барча ёнғин хавфсизлиги экипажлари ва махсус хизматларнинг ўзаро ҳаракатларини ҳамда уларнинг техник қуроллардан ёнғин ўчириш учун фойдаланиш тартибини белгилайди. Бошқа вазирлик маҳкамаларига қарашли ёнғин хавфсизлиги бўлинмаларининг ўзаро ҳаракати, ёнғин хавфсизлиги гарнизони бошлиғи билан келишилади, зарур ҳолларда шу вазирлик маҳкамаларининг мувофиқ ташкилотлари билан ҳам келишилади.
Ёнғин хавфсизлиги гарнизонининг бошлиғи қуйидагиларга мажбур:
-гарнизондаги ёнғин хавфсизлиги қисмларини қандай жойлашганлигини, навбатчи сменаларнинг тезкор-тактик имкониятларини ҳамда шахсий таркибнинг ёнғинда қай даражада ишлашга тайёрлигини билиши;
-муҳим масканларнинг жойлашган ўрнини ҳамда уларнинг ёнғин содир бўлиши жиҳатидан хавфлилигини, асосий бино ва иншоотларнинг тузилиш хусусиятларини, гарнизоннинг ёнғинга қарши сув билан қандай таъминланганлигини ҳамда алоқанинг қай тартибда ўрнатилганлигини билиши;
-гарнизон ёнғин хавфсизлиги қисмлари шахсий таркибининг ўта уюшқоқ ва интизомли бўлишини таъминлаши;
-ёнғин хавфсизлиги марказий диспетчерлик хизмати шахсий таркибини ва ёнғин хавфсизлиги қисмлари навбатчи сменалари хизматини уюштириши ҳамда назорат қилиб туриши;
-муҳим ва ёнғин чиқиш хавфи кучли бўлган масканларда ҳамда шаҳарнинг сувсиз туманларида ёнғин ўчириш тезкор режасини тузишни ташкил қилиши ва ишлаб чиқиши;
-ёнғин хавфсизлиги хизмати билан туман (шаҳар)нинг бошқа хизматлари (сув таъминоти, энергетика, газ ва бошқалар), шунингдек ҳарбий қисмлар билан ёнғин чиққанда ўзаро ҳамжиҳатликда ҳаракат қилиш тадбирларини ишлаб чиқиши;
-ёнғинга қарши сув таъминоти, ўтиш жойларини, алоқани яхшилаш тадбирларини тайёрлаши ва уни маҳаллий ҳокимиятлар ва хўжалик корхона эгалари ва раҳбарларига кўриб чиқишлари учун топшириши;
-зарур бўлган ҳолларда смена ҳамда гарнизон хизматини кучайтириши;
-ёнғин хавфсизлиги қисмларининг ёнғинни ўчиришга чиқиш жадвалини тузиши ва ёнғин ҳақида берилган биринчи хабардаёқ кучайтирилган чақириш рақамли кучлар юбориладиган масканлар рўйхатини аниқлаши;
-ёнғинга қарши сув таъминоти, ўтиш жойлари ва барча турдаги алоқанинг ҳолатини назорат қилиб туришни ташкил қилиши;
-гарнизондаги ёнғин ўчириш техникасининг ҳолатини ва улардан тўғри фойдаланилишини назорат қилиши;
-илмий ишлаб чиқиш усулларини, республикадаги мавжуд ва чет эл илғор тажрибаларини ўрганиши, уларни амалий фаолиятда қўллаши;
-шахсий таркибнинг хизмат тайёргарлигини ташкил этиши, катта ва мураккаб ёнғинларни таҳлил қилиши, ёнғин-тактик масалаларни ҳал этиш бўйича ёнғин-тактик ўқув машқ ва машғулотларини ўтказиши;
-катта ва мураккаб ёнғинларни ўчириш бўйича таянч масканларини ишини ташкил қилиши ва бошқариши;
-гарнизон бошлиқлар таркибидаги шахсларга ёнғинни ўчиришга раҳбарлик қилишга рухсат берилиши имконияти борлигини аниқлаши;
-ёнғин ва табиий офат юз берган жойларга шахсан бориши ва ёнғин хавфсизлиги хизмати Низоми талабларига ҳамда юз берган вазиятга қараб ёнғинни ўчиришга раҳбарлик қилиши;
-гарнизон куч ва воситалари ишларини, ёнғинлар ҳолатини таҳлил қилиши, ёнғинлар сони ва унинг оқибатларини камайтириш ва хизмат фаолиятини такомиллаштириш чора-тадбирларини ишлаб чиқиши;
-гарнизонда ёнғин хавфсизлиги тезкорлик хизматини ҳамда уларнинг шахсий таркибини тайёрлаш ишларини ташкил қилиши;
-ёнғинга кучайтирилган рақамли чақирув бўлганда туман (шаҳар) ёнғин хавфсизлиги бўлими бошлиқларининг ёнғинга чиқишини ва гарнизон раҳбар ходимларини йиғиш тартибини белгилаши;
-гарнизон бошлиғи ўринбосарларини, тезкор хизматлар бошлиқларини тайинлаши, гарнизон лавозимли шахслари учун йўриқномалар (хизмат бурчлари) ишлаб чиқиши;
-ёнғин хавфсизлиги гарнизони хизмат ҳужжатларини ишлаб чиқишни ташкил қилиши.
Do'stlaringiz bilan baham: |