Ёнfин хавфсизлиги

ДЁХХ (Давлат ёнғин хавфсизлиги хизмати) - Ўзбекистон Республикаси Вазирлар Маҳкамасининг «Ўзбекистон Республикасида ёнғин хавфсизлиги тизимини такомиллаштириш тадбирлари тўғрисида»ги Қарорига асосан (2001 йил 25 июнда 267-44-сонли Қарор билан тасдиқланган) у Ички ишлар Вазирлиги Ёнғиндан сақлаш бўлинмалари базасида ташкил этилди. У қуйидагиларни ўз ичига олади:
- Ўзбекистон Республикаси Ички ишлар Вазирлиги Ёнғин хавфсизлиги бош бошқармаси;
- Қорақалпоғистон Республикаси Ички ишлар Вазирлиги, Тошкент шаҳар Ички ишлар бош бошқармаси ва вилоятлар Ички ишлар бошқармалари ёнғин хавфсизлиги бошқармалари;
- Ўзбекистон Республикаси ИИВ туманлар (шаҳарлар) Ички ишлар бўлимларининг ёнғин хавфсизлиги бўлимлари (бўлинмалари);
- Ёнғин хавфсизлиги отрядлари ва қисмлари (ЁХО, ЁХҚ);
- Ҳарбийлаштирилган ва касбийлашган ёнғин хавфсизлиги хизматлари ёки қисмлари (ҲЁХХ, КЁХХ ёки ҲЁХҚ ва КЁҲҚ).
Ёнғин – моддий зарар етказадиган, махсус ўчоқдан ташқаридаги назорат қилиб бўлмайдиган ёниш.
Ёнғин хавфсизлиги – объектнинг ёнғин чиқиш эҳтимоли истисно бўлган ҳолати, агар ёнғин чиқадиган бўлса, унда ёнғиндаги хавфли факторларнинг одамларга таъсирининг олди олинган ҳамда моддий бойликларнинг ҳимояси таъминланган бўлади.
Ёнғин хавфсизлиги қоидалари, қурилиш меъёр қоидалари ёки шаҳар меъёр қоидалари - Ёнғин хавфсизлиги қоидалари республикага, шаҳар ёки тармоққа оид бўлиши мумкин. Бу қоидалар манфаатдор вазирликлар томонидан ЎзР ИИВ ЁХББ иштирокида ишлаб чиқилади ва ЎзР ИИВ ёки тармоққа оид вазирликлар томонидан тасдиқланади. Тармоққа оид қоидалар ва бошқа меъёрий ҳужжатлар ЎзР ИИВ ЁХББ томонидан тасдиқланиши ҳам мумкин.

	Адабиётлар
1	Ўзбекистон Республикаси Вазирлар Маҳкамасининг 2001 йил 25 июндаги «Ўзбекистон Республикасида ёнғин хавфсизлиги тизимини такомиллаштириш тадбирлари тўғрисида» ги 267-44- сонли Қарори.
2	«Ёнғин хавфсизлиги», А.Д.Худоев таҳрири остида Тошкент, ЎзР ИИВ ЁХОТМ. 2000 й., 317 б.
3	Семиков В.Л. «Основы НОУиТ в пожарной охране», - М.: ВИПТШ МВД СССР, 1979 год, 222с.
4	Касымов Б.Э. «Организация управления пожарной охраной», М.Стройиздат, 1981 год.
5	«Давлат ёнғин хавфсизлиги хизмат фаолиятида бошқарувни ташкиллаштириш» фанидан курс ишини бажариш бўйича услубий қўлланма. С.М.Махмудов, Т., ЎзР ИИВ ЁХОТМ, 2006 йил.
6	ҚМҚ 2.04.02 – 97 «Водоснабжение. Наружные сети и сооружения».
7	ШНҚ 2.07.01–03 «Шаҳар ва қишлоқ аҳоли пунктлари ҳудудларини ривожлантириш ва қурилишини режалаштириш».
8	М.Шарифхўжаев, Ё.Абдуллаев «Менежмент», «Меҳнат нашриёти»Т.-2000 йил, 559 б.
9	«Давлат ёнғин хавфсизлиги хизмати фаолиятида бошқарувни ташкиллаштириш» фанидан маъруза матнлари тўплами, Махмудов С.М. - Т., ЎзР ИИВ ЁХОТМ, 2004 йил.
10	«Давлат ёнғин хавфсизлиги хизмати фаолиятида бошқарувни ташкиллаштириш» фанидан амалий машғулотлар ўтиш учун услубий кўрсатма, Махмудов С.М. - Т., ЎзР ИИВ ЁХОТМ, 2005 йил.
11	ЎзР ИИВнинг 22 сентябр 1993 йилдаги «ЎзРда ДЁНнинг иш фаолиятини ташкиллаштириш тўғрисидаги қўлланмаси» 344-сон буйруғи.
12	Ўзбекистон Республикаси ИИВнинг 24 июн 1996 йилдаги «Ички ишлар идораларида ахборот-таҳлил ишини, режалаштиришни ва ахборот-маълумот фондини ташкил этиш тўғрисида»ги 146-сон буйруғи.