Ёнfин хавфсизлиги

5. Гарнизон тезкор хизматлари /1/
Ёнғин хавфсизлиги гарнизонларида тезкор хизматларда ёнғин ўчириш, бузилишлар ва табиий офат оқибатларини бартараф қилишда куч ва воситаларни фойдали қўллаш, смена ва гарнизон хизматларининг вазифаларини муваффақиятли бажаришга йўналтирилган чораларни ўз вақтида бажариш учун тузилади. Ёнғин хавфсизлиги гарнизонининг тезкор хизматларига қуйидагилар киради:
-ёнғин ўчириш штаби;
-техника хизмати;
-газ ва тутундан ҳимоялаш хизмати;
-алоқа хизмати.
Ёнғин ўчириш штаби смена ва гарнизон хизматига раҳбарлик қилиш, гарнизон куч ва воситаларини биргаликдаги тайёргарлигини таъминлаш ва ёнғин ўчириш ёки бузилиш ва табиий офат оқибатларини бартараф қилишдаги жанговар ҳаракатлар ўтказишда уларни бошқариш учун ;
Техника хизмати бўлинмаларнинг моддий-техник таъминлаш учун ҳамда ёнғин ўчириш техникаси ва ёнғин ўчириш воситаларини доимий жанговар тайёргарлигини таъминлаш учун;
Газ тутундан ҳимоя хизмати нафас олишга яроқсиз муҳитда одамларни қутқаришда, ёнғин ўчиришда ва фалокатлар оқибатларини тугатишда ИИВ Ёнғин хавфсизлиги хизмати шахсий таркибининг жанговар ҳаракатларини таъминлаш учун;
Алоқа хизмати алоқа тармоғини ташкил қилиш, алоқа воситаларини доимий тайёрлигини сақлаш ва бўлинмаларни бошқаришни таъминлаш учун тайинланган.


6. Ёнғин хавфсизлиги гарнизони мансабдор шахслари /1/
Ёнғин хавфсизлиги гарнизонининг мансабдор шахсларига қуйидаги лавозимлар киради:
-ёнғин хавфсизлиги гарнизонининг бошлиғи;
-ёнғин хавфсизлиги гарнизони тезкор навбатчиси (ёнғин ўчириш гуруҳи бошлиғи, гуруҳ бошлиғининг ўринбосари ва ёнғин ўчириш фаолиятини таъминлаш муҳандиси);
-ёнғин хавфсизлиги гарнизонининг техника хизмати бошлиғи;
-ёнғин хавфсизлиги хизматининг газ ва тутундан ҳимоялаш хизмати (ГТҲХ) бошлиғи;
-ёнғин хавфсизлиги хизматининг алоқа хизмати бошлиғи;
-ёнғин хавфсизлиги марказий диспетчерлик хизмати (МДХ) диспетчери (катта диспетчери, радиоалоқачиси).