Ёнfин хавфсизлиги

Меъёр амалиёти ишлари.
Меъёр амалиёти ишлари давлат ёнғиндан сақлаш назорати томонидан ёнғинга қарши тадбирларнинг ҳаракатдаги меъёр (кейинчалик лойиҳалаш меъёрлари) ва қоидаларининг лойиҳа, янги қурилиш, корхоналарни таъминлаш ва қайта техник жиҳозлаш ( кейинчалик қурилиш ), янги қурилиш майдонларида ёнғиннинг олдини олиш ва ўчириш ишларини такомиллаштириш, ҳалқ хўжалиги масканлари ва турар жойларининг қурилиши мобайнида ёнғинга қарши тадбирларнинг тўла-тўкис бажарилиши, лойиҳалаш даврида содир бўлган ёнғинларнинг таҳлили асосида лойиҳалаш меъёрларини такомиллаштириш бўйича таклиф ва мулоҳазалар ишлаб чиқиш мақсадида олиб борилади.


Ёнғинга қарши тарғибот.
Аҳоли орасида ёнғинга қарши тарғибот қуйидагича амалга оширилади, оммавий ахборот воситаларидан фойдаланиб (рўзнома, телевидение, радиоэшиттириш); ёнғинга қарши қаратилган кинофильм, видеофильм, диафильм, диопозитивларни кўрсатиш; ёнғин хавфсизлиги тадбирларини ёнғинга қарши адабиёт, брошюра, бюллетен аниқ тасвирий материаллар (плакат, альбом, буклетлар) орқали оммалаштириш; лекция, суҳбат, нутқ, консультациялар ўтказиш; тарғибот ва ташвиқот марказ ва кўргазмаларида саёҳатлар уюштириш; оммавий тадбирлар, кўриклар, ёнғинга қарши фильмларни намойиш этиш ойликлари (ҳафталикларини) ташкил этиш; ёнғин хавфсизлик мавзусини асос қилувчи бадиий асарлар яратиш.
Ёнғинга қарши автоматика.
Давлат ёнғиндан сақлаш ходимлари ёнғинга қарши автоматикаларни ишлаб чиқаришда ва ҳалқ хўжалик масканларида қўлланилишида ёрдам кўрсатади; ёнғинга қарши ускуналарни лойиҳалаш ва ўрнатиш ишларида меъёр қоидалар ва (стандартлар) андаза талабларига жавоб беришини назорат қилади; техник ҳолатини текширади; таъмирлаш ва техник ҳолатини созлаш муассасаларини назорат қилади, уларни қабул қилиш комиссияларида иштирок этади, маскан мутахассисларига ёнғинга қарши автоматикаларни жорий қилишда, фойдаланишда, лойиҳалашда ва бошқа (норматив) керакли ҳужжатларни тайёрлашда маслаҳатлар беради.
Кўнгилли ўт-ўчириш дружиналари, ўт-ўчириш командалари ва
бошқа жамоат ташкилотларининг ишларига раҳбарлик қилиш.
Амалдаги қонунлар асосида ишлаб чиқариш корхоналари, қурилиш, омборхоналар, давлат жамоа хўжаликлари ва бошқа масканларда кўнгилли ўт ўчириш дружина ва командалари ташкил этилиб, уларга ёнғинларни олдини олиш ва ўчириш вазифалари юклатилади.
Ёнғинларни ҳисобга олиш ва таҳлил қилиш.
Ёнғин ва уларнинг оқибатини ҳисобга олиш давлат ёнғин назорати хизматлари томонидан Ўзбекистон Республикаси ИИВ тасдиқлаган ёнғинни ҳисобга олиш Қоидасига асосан бажарилади.
Ёнғинларни текшириш.
ДЁН хизматларида хар бир содир бўлган ёнғин бўйича муфассал текширув ишлари олиб бориб, текширувнинг асосий мақсади ёнғин чиқиш сабабини, айбдор шахсларни ва жиноий ҳаракатнинг бор-йўқлигини аниқлашдан иборат.
Ёнғин бўйича текширув ва тергов ишлари Ўзбекистон Республикасининг жиноий-процессуал Кодекси асосида олиб борилади.
Маъмурий - ҳуқуқ фаолияти.
ДЁН хизматларининг маъмурий – ҳуқуқ фаолияти ёнғинга қарши қаратилган меъёр, қоида ва стандартлар бузилишини олдини олиш ва огоҳлантиришга қаратилган.
Маъмурий ҳуқуқбузарлик ҳақидаги ишларни олиб бориш ДЁН хизматлари томонидан Ўзбекистон Республикасининг маъмурий ҳуқуқбузарлик ҳақидаги қонун талаблари асосида амалга оширилади.
Жарималар миқдори Республиканинг маъмурий ҳуқуқбузарлик ҳақидаги қонуни билан аниқланади.
Бўйсундирилган ДЁН хизматларининг ишини текшириш ва амалий ёрдам кўрсатиш.
Ҳудудий ДЁН хизматлари, уларга бўйсундирилган бўлинмаларда ҳалқ хўжалиги масканлари ва аҳоли турар жойларнинг ёнғинга қарши қаратилган масалаларини ҳал этишда амалий ёрдам берадилар, давлат ёнғин назорат ходимларининг ишини ташкиллаштиришни кўтарадилар, ҳалқ хўжалиги масканлари ёнғинга қарши ҳимояси ва амалий фаолиятида фан-техника ютуқлари ва ижобий иш тажрибаларини татбиқ этишга қаратадилар.
Амалий ёрдам кўрсатиш учун вилоят, шаҳар туманларга чиқиш ёнғинлар билан боғлиқ бўлган вазиятни кескинлашиши, ДЁН хизматларидаги тезкор-хизмат фаолиятини, ҳамда илгариги текширувлар хулосаси асосида амалга оширилади.
Амалий ёрдам бўйича бригада таркиби ва унинг аниқ вазифаларини ИИВ, ИИБнинг Ёнғин хавфсизлиги бошқарма ва бўлим бошлиқлари, ДЁНнинг транспортдаги хизматчилари учун эса ТИИБни раҳбарлари аниқлайди.

40. Ёнғин хавфсизлигини таъминлаш қоидаларини ишлаб чиқариш, стандарт лойиҳалари, техник шартлар ва бошқа меъёр-амалиёт ҳужжатларини кўриб чиқиш тартиби

Ёнғин хавфсизлигини таъминлаш қоидалари тармоқ ва республикага оид бўлиши мумкин ёнғин хавфсизлиги қоидаларини республика ёки тармоққа оидлигини Ўзбекистон Республикаси ИИВ Ёнғин хавфсизлиги Бош бошқармаси ҳал этади.
Ҳалқ хўжалиги тармоқ масканларида ёнғин хавфи хусусиятлари ва ишлаб чиқаришнинг ўзига хос фазилатини ҳисобга олган холда, тармоқ ёнғин хавфсизлигига қаратилган қоидалар Ўзбекистон Республикаси ИИВ Ёнғин хавфсизлиги бошқармаси билан келишилган амалий топшириқ асосида вазирлик ва маҳкамаларнинг лойиҳалаштириш ва илмий текширув ташкилотлари томонидан ишлаб чиқарилади.