Ёнfин хавфсизлиги

39. Давлат енгин назоратининг асосий йўналишлари /6/

Ўзбекистон Республикаси ИИВ 1993 йил 22-сентябр куни тасдиқланган 344-сонли буйруғи.

Ушбу қўлланма Ўзбекистон Республикаси Вазирлар Маҳкамасининг 1993 йилнинг 17 май куни тасдиқланган 227-сонли Қарори «Ўзбекистон Республикасида Давлат ёнғин назорати тўғрисидаги Низом» асосида ишланган.
Ўзбекистон Республикасида давлат ёнғин назорати ёнғин чиқиши мумкин бўлган нуқсонларни ўз вақтида аниқлаш ва ёнғинга қарши аҳволни яхшилаш бўйича асосли тавсиялар бериш ҳамда Республикада шаҳарлар, аҳоли пунктлари ва ҳалқ хўжалиги объектларининг ёнғин хавфсизлигини зарур даражада сақлаш мақсадида амалга оширилади.
Ўзбекистон Республикасида давлат ёнғин назоратини амалга оширувчи органлар Ўзбекистон Республикаси Ички ишлар Вазирлиги тизимига кирадилар ҳамда Ўзбекистон Республикасининг амалдаги қонун ҳужжатларига амал қиладилар.
Давлат ёнғин назоратининг фаолиятини ташкиллаштириш
Давлат ёнғин назорати (ДЁН) ёнғиннинг олдини олиш ишларини олдиндан режалаштирган холда олиб борадилар. Режаларнинг перспектив, йиллик, ярим йиллик, чорак ва ойлик турлари мавжуд.
Ёнғин хавфсизлигига қаратилган ишларни текшириш.
Ёнгинларни олдини олишга қаратилган текширувларни ўтказиш давлат ёнғин назорати ходимларининг асосий вазифаларидан бири бўлиб, текширув жойларда, ҳалқ хўжалиги, корхона ва ташкилотлар ёнғин хавфсизлигига қаратилган норма ва стандартларга риоя қилиш, ёнгинни муваффақиятли ўчириш, ёнғин чиққанда инсонлар хавфсизлигини таъминлаш мақсадида олиб берилади.
Комплекс текширишларни ташкиллаштириш.
Ҳалқ хўжалиги тармоқлари, шаҳар ва қишлоқ ҳудудларини комплекс текшириш ёнғинлар билан бўлган шароит ва вазиятни оғирлашишига олиб келиши, ёнғинларга қарши кечиктириб бўлмас чора-тадбирларни ўз вақтида бажармасликни олдини олиш, Аҳоли турар жойлар, ҳалқ хўжалиги масканларини ёнғинга қарши ҳимояси даражасини оширишга қаратилган тадбирлар ишлаб чиқиш ва уларни татбиқ этишга амалий ёрдам бериш, юқори ташкилотларда ҳал этиш учун тегишли таклифлар киритиш мақсадида ўтказилади.