Ёнfин хавфсизлиги

49. Ёнғинга қарши автоматика лойиҳа ҳужжатларини текшириш тартиби
/6; 13/
Давлат ёнгин хавфсизлиги ходимлари ёнғинга қарши автоматикаларни ишлаб чиқаришда ва ҳалқ хўжалик масканларида қўлланилишида ёрдам кўрсатади; ёнғинга қарши ускуналарни лойиҳалаш ва ўрнатиш ишларида меъёр қоидалар ва (стандартлар) андаза талабларига жавоб беришини назорат қилади; техник ҳолатини текширади; таъмирлаш ва техник ҳолатини созлаш муассасаларини назорат қилади, уларни қабул қилиш комиссияларида иштирок этади, маскан мутахассисларига ёнғинга қарши автоматикаларни жорий қилишда, фойдаланишда, лойиҳалашда ва бошқа (норматив) керакли ҳужжатларни тайёрлашда маслаҳатлар беради.
Ёнғинга қарши автоматика ускуналарни ва лойиҳа ҳужжатларини текширишда ҳаракатдаги меъёрлар, андозалар ва қоидалар талабларига жавоб бериш учун қуйидагиларга аҳамият бериш керак:
Ҳалқ хўжалик масканларини ёнғиндан сақлаш учун бугунги куннинг талабига жавоб берадиган замонавий ёнғиндан сақлаш ускуналарини ишлатиш керак.
Ёнғиндан хабар берувчи мосламалар доимий навбатчи бўладиган хонага (марказий пункт, диспетчер хонаси) ўрнатилиши керак.
Ёнғиндан хабар берувчи мосламалар алоҳида бошқа (соқчилик) мосламалар (системасидан) тармоғидан ажратилган холда «Ёнғин» деган ёзув билан белгиланиши ва ҳар доим тармоққа уланган ҳолатда бўлиши керак.
Ёнғинга қарши автоматиканинг техник ҳолатини хар доим ишга яроқлилигини таъминлаб турувчи корхоналар билан келишиш варақаси тузилганлигини ҳамда нечта мутахассис жалб қилинганлиги аниқланиши керак.
Давлат ёнгин назорати ходимлари текширишлар мобайнида ёнғинга қарши автоматикани ишлатилиши ҳамда техник ҳолатини назорат қилиши билан бирга эскирган, яроқсиз ҳолга келган ёнғинга қарши ускуналарни замонавий ускуналар билан алмаштирилиши ҳақида ўз фикрларини билдирадилар; навбатчиларнинг, ускуналарни қабул қилиш ва назорат қилиш ҳамда амалда ишлатиш учун керакли билимларини ҳамда ёнғин хавфсизлиги қисмлари ва бошқа тезкор хизмат ишчиларини, корхона раҳбарларини тезкор ҳолатда чақирилиши ёки ёнғиндан хабар бериш тармоқлар ишга тушиши билан қандай амалий ишлар олиб борилишини амалда текширадилар.
Ёнгин назорати ходимлари йил сайин ёнғинга қарши автоматика ускуналарининг ишини ўрганиб ва уларни қайси даражада яхши ишлаши тўғрисида аниқ таклифлар киритиши, ҳамда шу ёнғинга қарши автоматика ускуналарининг ҳисобини олиб бориш лозим.
Ёнғинга қарши автоматика қурилмаларини техник текшириш пайтида давлат ёнғин назорати ходимлари, қоидага биноан, қўриқлаш бошқармаси, махсус автоматика вакиллари, ўрнатувчи, созловчи, техник ҳолатини тузатувчи идора ходимлари билан биргаликда иш олиб боришлари керак.
Зарур холларда, ёнғинга қарши автоматикани ишлаш қобилиятини ва унинг қай даражада наф келтиришини, ҳамда қайси сабаблар билан ишламай қолиш натижасини аниқлашда давлат ёнгин назорати ходимлари томонидан, керакли мутахассисларни бошқа идоралар томонидан жалб қилиб техник-ёнғин экспертизаси тайинлаш ҳуқуқига эга.
Ёнғинга қарши автоматикани иншоот ёки биноларни ёнғинга қарши ҳимоя қилиш учун белгиланган қурилмалар (системасини) тармоқлари (тутун ҳайдаш тармоқлари, тамбурлардаги ҳаво босими, ёнғинга қарши клапанлар, қопқонлар, тўсинлар ва х.к.) билан биргаликда текширилиши керак.