Ёнfин хавфсизлиги

46. Қўриқланаётган масканлар ёнғин хавфсизлиги қисмларининг профилактика ходимларининг мажбуриятлари /8/
ДЁН нозири хизмат қилаётган корхонани, ишлаб чиқариш жараёнининг ёнғин хавфсизлиги даражасини ва бино конструкцияларининг муҳим жиҳатларини яхши билишга бурчлидир. Ундан ташқари, у қуйидагиларни амалга ошириши керак:

• 
  цехлар, омборхоналар, хизмат ва маъмурий биноларини, клуб ва болалар муассасаларининг ёнғин хавфсизлиги даражасини текшириб туриши ҳамда аниқланган камчиликларни тезда бартараф этиш учун чоралар кўриши;
  
• 
  иситиш приборлари ва электр мосламаларидан фойдаланиш, ёнғиндан хавфли моддалар ва материалларни сақлаш чоғида ёнғин хавфсизлиги қоидаларига риоя қилишни назорат қилиш, ўт ўчириш техникасини ўз вазифаси бўйича ишлатмасликнинг олдини олиш;
  
• 
  ишчилар ва хизматчиларни ёнғин хавфсизлиги қоидаларига ўргатиш ва уларга йўриқномалар бериш, корхонада ёнғин хавфсизлиги бўйича кўргазмали ўқув қўлланмалари мавжуд бўлган ўқув хоналарини ташкил қилиш; кўнгилли ўт ўчириш дружинаси аъзолари билан машғулотлар ўтиш;
  
• 
  ёнғинга қарши сув гидрантлари қопқоқларини қордан, муздан ва бошқа нарсалардан тозалаб туришларини, ўт ўчириш воситалари ва автоматика тизимининг ҳолатини кузатиб туриш;
  
• 
  цех раҳбарияти ва очиқ олов билан боғлиқ ишларини олиб борувчи бошқа шахслар томонидан «Ҳалқ хўжалиги корхоналарида пайвандлаш ва очиқ олов билан боғлик бошқа ишларни амалга ошириш чоғидаги ёнғин хавфсизлиги қоидалари» талабларига риоя қилишларини назорат қилиш;
  
• 
  ёнғин-техник комиссияси билан биргаликда ишлаб чиқариш ҳолатини текшириш, технологик жараёнининг ёнғин хавфсизлигини пасайтириш бўйича тадбирлар ишлаб чиқишда қатнашиш ва ЁТК комиссияси раисини белгиланган тадбирларнинг бажарилиши ҳақида хабардор қилиб туриш;
  
• 
  ўт ўчириш автоматикаси воситаларини амалда қўллаш, ёнғинга қарши сув таъминотини яхшилаш, биноларнинг ёнғинга чидамлилигини ошириш бўйича истиқбол (перспектив) таклифларини ишлаб чиқиш ва уларни корхона раҳбарияти томонидан кўриб чиқиш учун тақдим этиш.
  

ДЁН ходимлари корхона ҳудуди, бинолари ва иншоотларининг ёнғин хавфсизлиги даражасига назоратни таъминлаб бериш учун шахсан жавобгардирлар.

47.