Саноат корхоналари транспорти э

К И Р И Ш

Локомотив ва вагон таъмирлаш заводи локомтивларни капитал таъмирлаш, уларни замонвийлаштириш, айрим узел ва агрегатлар (дизел, электр машиналар, тортув трансформаторлар, ғилдирак жуфтлари, аппаратлар ва бошка) ни таъмирлаш ва «Ўзбекистон темир йўллари»АЖ деполарига ҳамда саноат корхоналари транспорти эҳтиёжлари учун эҳтиёт қисмлар тайёрлаш ишларини амалга оширади.

Заводнинг ишлаб чиқариш дастури, ишлаб чиқарилаётган маҳсулотнинг ҳажми, режа ва шартнома билан белгиланади.
Ишлаб чиқариш дастурини бажариш учун завод зарур цехларга эга. Барча цехлар ишлаб чиқариш жараёнидаги фаолиятига кўра: йиғувчи, қайта ишловчи ва тайёрловчи цехларга бўлинади.
Йиғувчи цехларга қуйидагилар киради: тепловоз-йиғув, дизель, электр машиналари, электр аппаратлари, ғилдирак, элетровоз-йиғув ва таъмирловчи-бутловчи цехлар.
Тайёрловчи цехларга: асбобсозлик ва қуйув цехлар.
Ёрдамчи цехларга қуйидагилар киради: механик таъмирлаш, транспорт, қурилиш -таъмирлаш, энергоқувват, асбоб-механик ва иссикликсувсоз цехлар.
Завод ҳудудида бино ва иншоотлар ишлаб чиқариш жараёни талаблари ва ишлаб чиқариш жараёни чизмасини таъминлашга, технологик ўзаро алока таъминланишига, ишлаб чиқариш жараёнида пайдо бўлиб қоладиган ҳаракатларга мувофиқ жойлаштирилган.
Энергетик қурилмалар иншоотлари (қозонхона, компрессорхона, насос ва 6ошка) буғ, газ, сув, сиқилган ҳавони асосан истеъмол қилинувчи жойларда жойлаштирилган. Маъмурий-хўжалик биноси корхонанинг одамларнинг хизмат ҳудудларидан келувчи энг яқин томонда жойлашган.
1. Заводда меҳнат қилишнинг асосий шароитлари туғрисида.
1.1. Заводда мавжуд хавфли ва зарарли ишлаб чиқариш омиллари, уларнинг инсон организмига таъсири.
Меҳнат шароитлари деганимизда инсон саломатлиги ва ишлаш лаёқатига таъсир қилувчи ишлаб чиқариш муҳитининг омиллари йиғиндиси тушунилади. Таъсири ишловчига жароҳат етказган ишлаб чиқариш омилни хавфли омил, таъсири ишловчининг касал бўлишига олиб келувчи ишлаб чиқариш омили зарарли омил деб аталади.
Ишлаб чиқаришнинг хавфли ва зарарли омиллари таъсир қилиш табиатига кўра қуйидагиларга бўлинади: физик, кимёвий, биологик, психофизиологик. Заводда мавжуд физик омилларга қуйидагиларни киритиш мумкин - ҳаракат қилувчи машина ва механизмлар (шу жумладан ҳаракатдаги таркиб), ишлаб чиқариш жиҳозларининг ўраб олинмаган ҳаракатдаги элементлари, шовқиннинг юқори даражаси, юқори чанглилик ва иш зонаси ҳавосининг газланганлилиги, табиий ёруғликнинг йўқлиги ёки камлиги, иш зонасининг етарли даражада ёритилмаганлиги.
Кимёвий омиллар инсон организмига таъсир қилиш характерига ва
организмга киришига кўра ажратилади. Биологик омиллар микро ва макроорганизмларга ажратилади. Психофизиологик омилларда физик ва
нервнопсихик юклама ажртилади.
Ишлаб чиқаришнинг хавфли ва зарарли омиллари ишлаётганларга таъсири
бахтсиз ҳодисаларга олиб келади. Ишлаб чиқаришнинг зарарли омиллари, иш жойларида меҳнат шароитларини ёмонлаштирган ҳолда, ишчиларнинг эътиборини, берилаётган сигналларнинг эшитилиши ва кўринишини сусайтиради, чарчашни оширади ва ишлаётганнинг ташқи таъсирларга жавоб бериш реакцияси вақтини кучайтиради. Буларнинг ҳаммаси касб касаллиги пайдо бўлишига олиб келади ва кўпгина ҳолларда ишлаётганларнинг ўзига хавф туғдираётган жароҳатнинг олдини олиш имкониятларини камайтиради.
Иш зонаси ҳавосида мавжуд турли зарарли моддалар ва аралашмалар ишлаётганнинг саломатлиги ва хиссиётига салбий таъсир кўрсатади (яъни иш жойлари жойлашган пол ёки майдон тепасидан 2 м гача бўлган баландликда):
- электропайванд ишларида ҳаво марганец окиси, фтор бирикналари
аралашмаси, тўлиқ ёнмаган флюс маҳсулотлари, электрод кисмлари билан
ифлосланади;
- бўёқчилик ишларида нитрокраска ва лаклар, ацетон, уайт-спирит ва б.
буғланиши кузатилади;
- чилангарлик ишларида ҳаво окалина чанги, иситиш печларидаги тўлиқ
ёнмаган маҳсулотлар ва бошқа турдаги газлар билан ифлосланади;
- аккумуляторларни зарядлаш ва қайта зарядлашда кислоталар, щёлочлар
буғлари, пластиналар таъмирида эса свинец чанги ажралиб чиқади;
- электр двигателлари таъмирлашда, обмоткаларни шимдиришда лак эритмалари буғлари хосил бўлади;
- гальваник металл қоплашда ҳавода электролит эритмалар таркибига кирувчи барча компонентлар буғлари хосил бўлади;