Д. Раҳматуллаева, У. Ходжаева, Ф. Атаханова

5-расм 
Назорат учун савол ва амалий топшириқлар 
1.
 
Қадимги Юнон санъати ва маданиятига таъриф беринг.
 
2.
 
Юнон матолари қандай ҳусусиятларга эга, уларга қандай безаклар 
берилган ? 
3.
 
Қадим Юнонистонда гўзаллик тушунчасига қандай таъриф 
берилган?.
4.
 
Қадимги юнон эркаклар кийимининг турлари ҳақида тушунча 
беринг, уларнинг фарқи нимада? 
5.
 
Қадимги Юнон аёлларнинг эркаклар либосидан фарқи нималарда 
кўрилади, аёлларнинг асосий кийим турлари, кийиниш услуби
қандай эди? 
6.
 
Юнон аёлларининг соч турмагининг турлари ҳақида нима биласиз? 
ҚАДИМИЙ РИМ ЛИБОСИ 
Рим қулдорлик давлатининг ҳарбий характери бир неча аср орасида 
шаҳар давлат бўлган Римни Европа, Кичик Осиё, Мисрни ўз ичига олган 
кучли дунё державасига айланишига сабаб бўлди. Босқинчилик урушлари, 
кучли синфий тафовутлар, бир томонда бойлик ва тўкинлик ва унга 
тенгсизлик ва камбағаллик Рим жамиятини антик давр Юнонистонидан 
фарқлайди.

---

24 
Рим санъатини шартли равишда Республика даври (мил. авв. IV-I 
асрлар) ва империя даври (милодий I-Vасрлар) бўлиш мумкин. 
Республика даврида (мил.II асрлар) Рим Юнонистонни босиб олди. Шу 
даврдан бошлаб Рим маданиятига Юнонистон маданияти ва санъатининг 
кучли таъсири сезила бошлади.
Қадимий римликлар матонатли, кучли кишилар сифатида кўз ўнгимизда 
гавдаланади. Агар Юнонистонда гавда тузилишида маълум бир 
пропорциялар, уларнинг уйғунлиги асосидаги гўзал атлетик гавда идеал 
ҳисобланса, Рим давлатининг дастлабки йилларида кучлилик, ҳар қандай 
шароитга мослашувчанлик, қийинчиликлардан чўчимаслик, қатъият ва 
оддийлик – мана шу хусусиятлар бу давр идеал шахс тимсолини белгилайди.
Юнон ва римлик аёллар ташқи жиҳатдан ўхшашдирлар. Римлик аёллар 
Қадимий Юнонистон аёлларидан кўра жамиятда каттароқ ҳуқуқ ва эътиборга 
эга эдилар. Рим аёлларида киборлик, сокинлик ва маълум бир маънода адл 
қомат идеал аёл қиёфасини белгилайди. Бу даврда римликлар тўлиқ елкалар, 
кенг бўкса ва текис кўкракларни идеал фигура сифатда тан олишган. Оқиш 
рангдаги тери эътиборли бўлган. Сочларни олтин рангга бўяш, шу рангдаги 
париклар тақиш одат эди.