Д. Раҳматуллаева, У. Ходжаева, Ф. Атаханова

---

Д.Раҳматуллаева, У.Ходжаева, Ф.Атаханова 
 
 
 
 
 
 
 
 
 
ЛИБОС ТАРИХИ
 
 
 
 
 
 
 
 
 
 
 
 
 
 
 
 
ТОШКЕНТ - 2015 

---

2 
Республикада амалга оширилаётган таълим дастурини ҳаётга тадбиқ 
этиш мақсадида бадиий таълим йўналишларидаги олий ўқув юртлари 
талабалари учун “Либос (костюм) тарихи” фанидан биринчи бор ўзбек 
тилида яратилган дарcликда либос тарихи, ривожланиш тамойиллари,
жаҳон ҳалқлари костюмлари тарихи, либос шаклларининг ривожланиш 
даврлари ва тамойиллари, турли мамлакатлардаги тарихий либос бичимлари, 
қўлланилган матолари ва уларнинг безак элементлари, ХХ аср замонавий 
модаси ривожланишининг ўзига хослиги, кутюрье тушунчаси, шу даврда 
пайдо бўлган ва ривожланган замонавий кийим модасидаги услублар ўз 
аксини топган. Эътиборингизга тақдим этилаётган ушбу дарслик либос 
тарихининг барча жабҳаларини ўз ичига олган-ки, унда жаҳон халқларининг 
ибтидоий либослари ривожланиши ва шаклланиши, мода тушунчасининг 
пайдо бўлиши ва Европа костюмининг мода таъсири остида ўзгариб 
бориши, ХХ асрдаги мода индустрияси таъсирида пайдо бўлган услуб ва 
оқимлар, шунингдек ўзбек миллий ва анъанавий либоси ҳамда унинг ўзига 
хос ривожланиши ҳудудлар бўйича ажратилиб кўриб чиқилган.
Дарслик мундарижасидаги либос тарихи, турли мамлакатлардаги 
тарихий либослар бичими, матолар, уларнинг безак элементлари, ХХ аср 
модаси, 
кутюрьелар 
услубларининг 
ўзига 
хосликлари 
сингари 
маълумотларнинг киритилиши ундан фойдаланиш мумкин бўлган таълим 
йўналишлари сонини кўпайтирди. Қолаверса, тилга олинган йўналишларда 
биринчи бор ўзбек тилида ёзилаётган ушбу дарслик нафақат ўқув жараёни 
учун зарур, шунингдек кенг китобхонлар оммаси учун ҳам қизиқарли.
Олинган маълумотларни мустаҳкамлаш мақсадида ҳар бир боб
ичидаги мавзуга ўз-ўзини назорат қилиш учун саволлар берилган. 
Дарсликнинг 6 бобдан иборат бўлиб, унинг Антик давр либослари, 
Европа либослари, Ўзбек либослари қисмлари Дилфуза Раҳматуллаева, Осиё 
либослари, Марказий Осиё либослари қисмлари Умида Хўжаева, ХХ ва ХХI 
аср либослари қисмлари Феруза Атахановалар томонидан тайёрланган. 

---

3 
Дарсликка мавзуларни ёритишга хизмат қилувчи иллюстрациялар (оқ-
қора, рангли) келтирилган. Шунингдек, унга атамалар луғати (тузувчи 
Санобар Расульмухамедова) илова қилинади.