1. Шоалимов А. Х, Тожибоева Ш. А. Иқтисодий таҳлил назарияси. Дарслик. Ушбу дарслик 5230900 «Бухгалтерия ҳисоби ва аудит»

1.Шоалимов А.Х, Тожибоева Ш.А. Иқтисодий таҳлил назарияси. Дарслик.
Ушбу дарслик 5230900 - «Бухгалтерия ҳисоби ва аудит» (тармоқлар бўйича) таълим йўналиши талабалари учун мўлжалланган бўлиб, унда «Иқтисодий таҳлил назарияси» фанининг назарий ва услубий асослари баён қилинган. Дарсликда иқтисодий таҳлилнинг назарий асослари, молия-хўжалик фаолиятини юритувчи хўжалик субъектларида иқтисодий таҳлилнинг ташкилий ва ҳуқуқий асослари, иқтисодий таҳлилнинг фан сифатида шаклланиш тарихи ва ривожланиш босқичлари, предмети, вазифалари, мазмуни, методи, махсус анъанавий ва иқтисодий математик усуллари, ахборот манбалари, ташкиллаштириш, турлари, комплекс тизими ёритилган. Шунингдек, унда корхоналарнинг операцион ва молиявий фаолиятини ифодаловчи асосий кўрсаткичларни таҳлил қилиш усуллари, иқтисодий таҳлил жараёнига ахборот технологияларини қўллашнинг самарали йўналишлари ҳамда бошқа шу каби масалалар ёритиб берилган.
Дарслик олий ўқув юртларида “Бухгалтерия ҳисоби ва аудит”, шунингдек “Банк иши”, “Молия” ва бошқа йўналишлар бўйича таълим олаётган талабаларга, профессор-ўқитувчиларга мўлжалланган.

2. Тожибоева Ш.А. Молиявий таҳлил -2. Дарслик.
Мазкур дарслик иқтисодиётни ривожлантириш ва либераллаштириш шароитидаги талаблардан келиб чиқиб тайёрланган. “Молиявий таҳлил-2” фанини ўқитиш, унинг мазмунини республикамизда амал қилаётган “Бухгалтерия ҳисоби тўғрисида”ги қонун ва бошқа қонунлар, меъёрий ҳужжатлар талабларидан келиб чиққан ҳолда тубдан янгилашни тақозо этмоқда. Дарсликда хўжалик юритувчи субектларнинг молиявий фаолиятини таҳлил қилишнинг методик асослари, молиявий таҳлилининг фан сифатида ташкил топиши, мақсади, вазифаси, тащлил этиш методи, ташкил этиш босқичлари, таҳлил жараёнида фойдаланиладиган ахборот манбалари ўрганилган. Ушбу дарсликда хўжалик юритувчи субъектларнинг
иқтисодий самарадорлигини ошириш, молиявий кўрсаткичларини яхшилаш йўлларини кўрсатиб беришнинг услубияти амалий маълумотлар асосида таҳлил қилиб чиқилган ва уларнинг мазмуни кўрсатиб берилган, молиявий барқарорлигини ошириш бўйича амалий тавсиялар ишлаб чиқилган.
Дарслик олий ўқув юртлари магистрлари, талабалари, профессор-ўқитувчилар ва тадқиқотчилар, менежерлар, молиячилар, солиқчилар, банк ходимлари, бухгалтерлар, аудиторлар ҳамда бошқа иқтисодчи мутахассислар учун мўлжалланган.