Низом талабаларга умумий қоидалар

НИЗОМ
ТАЛАБАЛАРГА
1. Умумий қоидалар
1.1. Самарқанд ишсизларни касб-ҳунарга ўқитиш маркази (кейинги ўринларда марказ деб юритилади) таълим олувчилари қуйидаги ҳуқуқларга эга:
Сифатли ва юқори савияда билим олиши, танлаган ихтисослиги бўйича юқори малакали мутахассис бўлиб етишиши учун зарур бўлган ҳуқуқлардан фойдаланиш;
фан, техника, замонавий технологиялар ютуқларига мос келувчи билимлар олиш;
марказ ахборот-ресурс марказида мавжуд бўлган китоблар, даврий нашрлар, электрон таълим воситаларидан белгиланган тартибда бепул фойдаланиш;
бепул маслаҳатлар ва йўл-йўриқлар олиш;
аудиториялар, таълим воситалари саналувчи ашёлардан ўрнатилган тартибда бепул фойдаланиш;
таълим жараёни самарадорлиги ва таълим сифатини ошириш юзасидан ўз таклиф-мулоҳазаларини, танқидий фикрларини белгиланган тартибда таълим муассасаси, раҳбариятга билдиришга ва уларни кўриб чиқилишини талаб қилиш;
марказ ва йўналиш миқёсида ўтказиладиган оммавий тадбирларда иштирок этиш;
қонун ҳужжатларига мувофиқ бошқа ҳуқуқлардан фойдаланиш.

2. 
   Марказ талабаларининг қуйидаги бурч ва мажбуриятлари мавжуд:
   

ватанига ва халқига ҳалол хизмат қилишга тайёр, юқори билимли ва юксак маънавиятли мутахассис бўлиб етишиш учун фидокорона билим олиш, ўз касбий салоҳиятини шакллантириш ва такомиллаштириш;
таълим олиш жараёнида жамиятнинг ахлоқий принципларига, маънавий қадриятларимизга, қонун талабларига, ўзаро муносабатларнинг юксак талабларига жавоб берувчи қоидаларига қатъий амал қилиш;
танлаган ихтисослиги бўйича чуқур назарий билим олиш, бўлғуси касби бўйича амалий кўникмалар ҳосил қилиш;
ўқув жараёни талабларига бўйсуниши, ўқув машғулотларини узрли сабабсиз қолдирмаслик, дарсларга кеч қолиб келмаслик, машғулотлар тамом бўлмасидан аввал кетиб қолмаслик;
таълим жараёни билан боғлиқ вазифаларни ўз вақтида ва сифатли бажариш, ўқитувчиларнинг фанни ўзлаштириш билан боғлиқ топшириқларини ўз вақтида ва талаб даражасида бажариш, машғулотларга зарур ўқув қуроллари билан келиш;
тегишли бўлим бошлиқлари ва гуруҳ раҳбарлари билан мустаҳкам алоқада бўлиш, уларнинг қонуний топшириқларини ўз вақтида бажариш;
билимларни эгаллашда ташаббус ва ғайрат кўрсатиш, лоқайдликка йўл қўймаслик;
ўз курсдошлари, бошқа талабалар, профессор-ўқитувчилар билан ҳушмуомалада бўлиш;
марказ мулкига эҳтиёткор ва тежамкор муносабатда бўлиш, уларга қасддан ёки эҳтиётсизликдан зиён етказмаслик, зиён етказгани тақдирда зарар ўрнини қоплаш(келтирилган зарар миқдори далолатнома асосида белгиланади), ашёларни аудиториядан ёки бинодан ташқарига олиб чиқмаслик;
бино ичида, йўлакларда, аудиторияларда санитария қоидаларига риоя қилиши, ифлослантирмаслиги, тамаки чекмаслик;
кийиниш маданиятига риоя қилиш, диний ибодат кийимларида юрмаслик, безак ва тақинчоқларда меъёрга амал қилиш. Ташқи кўриниши ва ёмон ҳулқ-атвори билан бошқалардан ажралиб турмаслиги, ахлоқ-одоб нормаларига сўзсиз бўйсуниш;
ўқув машғулотига келмаган (шу жумладан, касаллиги туфайли) уч кундан кечикмасдан бевосита ўзи ёҳуд гуруҳ раҳбари орқали ўқув бўлимини ёзма равишда хабардор қилиш, қатнашмаслик сабабларини кўрсатиш;
ўз илмий, маънавий-ахлоқий, ғоявий-сиёсий савиясини мунтазам ошириб бориши, мамлакатимизда амалга оширилаётган ижтимоий-иқтисодий ва сиёсий соҳалардаги ислоҳотлар ва янгиланишлардан хабардор бўлиш;
Марказ Устави, Ички тартиб қоидалари, ўқув интизомига, директор буйруқлари ҳамда таълим тизимига доир норматив-ҳуқуқий ҳужжатларда қуйилган мақсад ва вазифаларга, шунингдек ўзининг мажбуриятларига риоя этиш.

2.