Бухоро давлат университети

Мавзу: Қарағайсимонлар синфи (араукариянамолар, қарағайнамолар қабиласи). Кипариснамолар, гисснамолар ва подакарпуснамолар қабиласи

Режа:
1. Қарағайсимонлар - Pinopsida синфи.

2. Қарағайнамолар (Pinales) қабиласи
3. Сарвнамолар қабиласи.
4. Сарвдошлар (Арчадошлар) оиласи - (Cypressaсеас)


Қарағайсимонлар-Pinopsida синфи (аждод).
Синф вакиллари асосан Шимолий ярим шарда кенг тарқалган. Уларнинг Ер шарида 8 та оила, 55 та туркум ва 600 га яқин турлари учрайди. Синф икки синфчага: кордаиткабилар ва қарағайкабиларга бўлинади. Кордаиткабилар синфчасининг вакиллари карбон давридан пермнинг охиригача ўсиб, кейинчалик қирилиб кетган.
Улар битта қабила (Кордаитнамолар - Cordaitales) ва биттадан оиладан (Кордаитдошлар-Cordaitaceae) га бўлинади. Кордаитлар йирик дарахтлар бўлиб, уларнинг баландлиги 20 м дан то 30 м гача етган. Поясида иккиламчи ксилема ҳам яхши тараққий етган. Поясида иккиламчи ксилема ҳам яхши тараққий этган бўлган. Барглари бир неча см дан то 1 м гача узунликда ва 1-2 см кенгликда бўлиб, улар қалами, наштарсимон, эллипссимон, тескари тухумсимон шаклларга эга бўлган. Баргларнинг оралиғида жойлашган қуббаларининг узунлиги 30 см гача етган. Кейинги маълумотлар уруғларида муртак излари борлиги аниқланган. Стробиллари бир жинсли бўлган. Кордаитларга уруғли қирққулоқлардан келиб чиққан деб қаралади.
Қарағайкабилар (Pinidae)
Синфча 7 та қабила, 7 та оила ва 55 та туркумга мансуб 560 дан зиёд турни бирлаштиради. Илмий манбаларда келтирилган 7 қабиладан 2 таси бизгача етиб келмаган, қолган 5 таси қуйидагилардан иборат:
1. Араукариянамолар (Araucariales) - қабиласи 2 та туркум, 35 та турдан иборат. Уларга Жанубий ярим шардаги тропик ҳудудларда тарқалган дарахтлар киради.
2.Қарағайнамолар (Pinales) қабиласи.
3.Сарвнамолар (Cupressales) қабиласи
4.Тиссанамолар (Taxales)-қабиласи доим яшил ва буталардан ташкил топган. Қабила 2 та оилага мансуб 20 та турни ўз ичига олади. Улар асосан Шимолий ярим шардаги иссиқ ҳудудларда тарқалган.