Бухоро давлат университети

Саллагулдошлар оиласи
(Айиқтовондошлар оиласидан ажратилган)
Бу оила бита туркумдан иборат.Унга Евросё ва Шимолий Америкада тарқалган 35-40 тур киради. Ўзбекистонда оиланинг саллагул- paeonia hibrida деб аталувчи тури Ўзбекистон «Қизил китоби» га киритилган. Саллагул илдизидан тайёрланган қайнатма табобатда тинчлантирувчи дори ўрнида ишлатилади.
Кўкнорнамолар (Papaverales) қабиласи
Қабилага бир-бирига жуда яқин 3 та оила: Шотарадошлар-Fumariaсеае, Бўғиммевадошлар - Hypecoaсеае ва кўкнордошлар - Papaveraсеае киради. Булардан энг йириги кўкнордошлар оиласи бўлиб, унга 24 та туркумга оид 250 та тур киради. Бу оилага мансуб ўсимликлар бир йиллик ва кўп йиллик ўтлардан иборат. Кўкнордошларга кирувчи ўсимликлар Евросиё, Шимолий Америка, Австралия ва Жанубий Америкада тарқалган.
Бу оила вакилларининг барглар оддий кетма-кет жойлашади, ён баргчасиз. Гуллари икки жинсли актиноморф, гул қўрғони қўш гулқўрғонли. Гули очилиши билан гул косача барглари тушиб кетади. Гул тожибарги 4 ёки 5 та, чангчи ва уруғчилари чексиз . Меваси кўп уруғли кўсакча.
Чиннигулкабилар (Caryophyllidae) cинфчаси
Чиннигулкабиларга қадимги айиқтовонкабилардан келиб чиққан деб қаралади. Бу синфча вакиллари арид (қурғоқчилик) зоналарда ўсишга мослашган. Шунинг учун улар чўл ваярим чўлларда анча кенг тарқалган. Лекин тоғ зоналарида айниқса чиннигулдошлар оиласига мансуб ўсимликлардан кўплаб учратиш мумкин. Синфча вакиллари асосан ўт ва буталардан ёки паст бўйли дарахтлардан иборат. Гуллари икки жинсли, камдан-кам ҳолларда бир жинсли. Бу синфча 3 та қабила, 650 туркумга мансуб 11500 яқин турни ўз ичига олади.
Чиннигулнамолар(Caryophyllales ) қабиласи.
Қабила 17 та оилани ўз ичига олади. Булар орасида чиннигулдошлар, кактусдошлар, шўрадошлар, гултожихўроздошлар каби оилалар бор.
Чиннигулдошлар (Caryophyllaсеае) оиласи.
Бу оилага 80 та туркумга мансуб 2000 та тур ўсимлик киради.Ўзбекистонда 24 туркумга оид 122 тури ўсади. Бу оила вакиллари бир йиллик, кўп йиллик ўтлар бўлиб, барглари қарама-қарши жойлашган. Гуллари 5 доирали. Чангчилари 4-5-10 та, уруғчиси 1-2-5 та, тугунчаси устки, меваси кўсак. Улар Ер шарининг ҳамма зоналарида ўсади.
Чиннигулдошлар оиласига мансуб 10 та тур Ўзбекистон қизил китобига киритилган. Чиннигулдошлар оиласининг Бухоро воҳасида 9 тури учрайди(2 расм).