Бухоро давлат университети

Наврўзгулнамолар (Primulales) қабиласи
Қабила 4 та оилани бирлаштирилади.
Наврўзгулдошлар (Primulaсеае) оиласи
Бу оилага 30 туркум ва 1000 га яқин тур киради. Улар асосан кўп йиллик ўтлардан иборат. Барглари илдиз бўғзида ҳосил бўлади,бутун ёки патсимон қирқилган. Гуллари актиноморф, икки жинсли. Гулкосача ва гулитожбарглари 5 та дан, чангчиси 5 та, уруғчиси 5 та. Тугунчаси устки,меваси кўсакча. Ўзбекистонда 8 та туркумга мансуб ва 24 та тури ўсади.
Наврўзгул туркумига соябонсимон тўпгули кўп йиллик ўт ўсимлик киради. Наврўзгулларнинг Ер шарида 300 тўри, Ўзбекистонда 10 тури тарқалган. Улар асосан Сурхандарё, Кашқадарё, Самарқанд, Тошкент, Фарғона вилоятларининг тоғли туманларида тарқалган. Бу оиланинг вакиллари таркибида сапонинлар, алколоидлар, смолалар ва эфир мойлар мавжуд. Наврўзгулларда витамин С кўп бўлади. Баъзи турларидан гулчиликда кенг фойдаланилади.
Гунафшанамолар (Violales) қабиласи
Бу қабилага 5 та оила киради. Қовун дарахти ҳам шу оилага мансуб бўлиб, Марказий Американинг энг муҳим ўсимлиги ҳисобланади. Ковун дарахти мевасида папин ферменти бўлиб, у ошқозон ширасига таъсир этувчи хусусиятга эга. Қабиланинг энг йирик оиласи гунафшадошлар ҳисобланади.
Гунафшадошлар (Violaсеае) оиласи
Оила 29 туркум, 900 га яқин турни бирлаштиради. Оиланинг энг йирик туркуми Гунафшалар бўлиб, у 400 га яқин турни ўз ичига олади.Улар асосан Шимолий ярим шарда кенг тарқалган. Оила вакилларининг барглари оддий, ён баргчали. Гуллари икки жинсли, зигоморф ёки актиноморф. Меваси ценокарп кўсакча. Францияда Viola odorata туридан эфир мойи олинади. Гунафшанинг айрим турлари ва навлари манзарали ўсимлик сифатида экилади
Юлғуннамолар (Таmаricales) қабиласи
Келиб чиқиши жиҳатдан гунафшадошларга яқин туради. Улар дарахт, бута ва айрим ўтлардан иборат. Барглари майда. Гуллари актиноморф, икки жинсли, чангчилари 5-10 та ёки кўп, чанги 3 жўякли, уруғчили кўп сонли. Бу қабила икки оила (уччаноқдошлар ва юлғундошлар) 7 туркум 200 га яқин турни ўз ичига олади.