Бухоро давлат университети

Гулхайридошлар (Malvaсеае) оиласи
Бу оилага 85 туркум, 1000 тур киради. Ўзбекистонда 6 туркумга мансуб 17 тури ўсади. Гулхайридошларга ўт, бута ва дарахтлар киради. Барглари оддий, қирқилган, панжасимон. Гуллари икки жинсли, актиноморф, гулкоса ва гултожибарглари 5 тадан. Уруғчиси ва чангчиси чексиз, тугунчаси устки, меваси кўп уруғли, кўсакча.
Ғўза (Gossypium) туркуми. Ғўза турлари Жанубий Осиёда, Африкада, Марказий Америкада табиий ҳолда ўсади. Ўзбекистонда табиий ҳолда ўсади. Ўзбекистонда ғўзанинг Gossypium herbaceum, G. hirsutum, G. barbadense каби турлари ва шулар асосида етиштирилган ўнлаб навлари экилади. Ўзбекистонда бу оилага мансуб толали, бўёқбоп, ем-хашак, доривор, манзарали, ва бошқа турлари кўплаб ўсади. Жумладан, гулхайри чираойли гул сифатида экилади ва унинг гулидан қизил бўёқ ҳам олинади.
Ғузар (дағал каноп) дан халқ табобатидан илдиз қайнатмасидан юмшатувчи, балғам кўчирувчи сифатида фойдаланилади. Доривор гулхайри (гули бахмал) дан Ибн Сино йўталга, шишларга қарши ва қонни тўхтатувчи восита сифатида фойдаланган.
Гулхайри - Althaea nudiflora нинг гули қайнатилиб болаларнинг ичи кетганда дори сифатида ишлатилган. Тугмачагул (Malva sylvestris) нинг гули ёки барги қайнатилиб шамоллашга қарши қўлланилади. Сирия ҳибискуси ва бошқалар хоналарда ўстирилади.
Газанданамолар (Urticales) қабиласи
Қабилага 5 та оила киради. Улар ҳаётий шакллари жиҳатдан дарахт, бута ва ўтлардан иборат. Барглари оддий, кетма-кет ва қарама-қарши жойлашган. Гуллари кўримсиз, айрим жинсли, оддий қўрғонли - гулкосачасимон, гулқўрғон бўлаклари 0-4-6 та, баъзан гулқўғонсиз. Чангчиси 4-6 та, уруғчиси 1-2 мевачи баргдан иборат, тугунчаси устки. Меваси данакча. Бу қабила вакиллари букнамолар қабиласидан анча устун туради. Масалан: газанданамоларда тугунча устки, букнамоларда эса тугунча остки. Куйида қабиланинг айрим йирик оилаларига қисқача тўхталиб ўтамиз.
Сутламанамолар (Euphorbiales) қабиласи
Қабила 4 оилани ўз ичига олади. Улар асосан дарахт, бута ва ўтлардан иборат. Барглари оддий. Гуллари бир жинсли, қўш гулқўрғонли ёки гулқўрғонсиз. Қабиладаги энг йирик ва муҳим оила сутламадошлар ҳисобланади.