Bosim bilan haydash va issiqlik mashinalari

ROSTLASH USULLARI VA XARAKTERISTIKALARI
Porshenli nasoslarning unumdorligini quyidagicha aniqlash mumkin:
Q = kη_hD²Sn, (3.10)
bunda k – o’zgarmas koeffisienti.
Demak unumdorlik D, S, n, larga bog’liq bo’ladi. Amaliyotda nasos o’lchamlari ma’lum bo’lganda unumdorlikni D ni o’zgartirish orqali, rostlash bo’lmaydi. Uzatishni η_h  ni o’zgartirish yo’li bilan rostlash mumkin, lekin bunda so’ruvchi yoki haydovchi klapanlar harakati boshqariladigan bo’lishi kerak. Bu usul kamdan-kam qo’llaniladi, chunki nasosning FIK ni pasaytiradi, demak energetik jihatdan samarasizdir.
Nazariy xarakteristikalar – ordinata o’qiga parallel bo’lgan bir qator chiziqlardan iboratdir. Haqiqiy xarakteristikalar nazariydan farqlanadi (6.4-rasm).




3.4. –rasm. Aylanish chastotada o’zgaruvchan holda (n=var)
nazariy va haqiqiy xarakteristikalari

H = f(Q) xarakteristikalardan ko’rinib turibdiki, aylanish chastotasi turlicha bo’lganda, porshenli nasos turli so’rish balandliklarini yaratadi va turli quvvatni iste’mol qiladi.

Turli tipli nasos yaratadigan bosim, nasos va quvurli tarmoqning birgalikda ishlash sharoitlaridan kelib chiqadi, u holda porshenli nasos validagi quvvati ham, berilgan tarmoq sharoitlaridan ko’rib chiqilishi mumkin.


PORSHENLI NASOSLARNING KONSTRUKTIV XUSUSIYATLARI
Porshenli nasoslarni bug’ va elektr yuritkich yordamida ishlatish mumkin.
Bug’ yordamida ishlaydigan nasoslar, konstruktiv jihatdan gorizontal yoki vertikal bo’ladi. Bu nasoslarning tuzilishi sodda bo’lgani bilan energetik tomonidan samarasiz, chunki bug’ silindrining FIKi past bo’ladi. Ularni kichik bug’ qozonlarida suv ta’minotida ishlatish mumkin.
Elektryuritkichli porshen nasoslarida silindr vertikal hamda gorizontal joylashgan bo’ladi. Silindrlar soni 1dan 3tagacha bo’lishi mumkin. Silindrlarning diametri bunda turlicha bo’lib, 700 m suv ust. gacha bosim, 1400 l/ daq. gacha uzatishlarni yaratish mumkin.