Баҳтли оила 1 Кириш

Оила бошқаруви:
Турмуш қуриш инсон ҳаётини тартибга солиб, масъуллик 
ҳиссини орттиради. Масъулиятли инсон дарбадарликдан қутулади, ҳар ишда тартибли 
бўлади. Оила ўзи хос бир идорадир. Уни тўғри идора этолмаганлар бундан катта 
идораларни муваффақиятли бошқара олмайдилар. Ҳар қандай раҳбарликка талабгорлар 
энг аввало оила идорасида муваффақиятлими, шуни кўрсинлар. Зеро, оила жамиятнинг 
кичик бир кўринишидир.
Уйланган инсон янада ишчан, ғайратли бўлади. Чунки рўзғор эҳтиёжлари уни 
ишлашга мажбур қилади. Оила эҳтиёжи учун ишлаш ибодат кабидир. Ҳазрати 
Пайғамбаримиз (с.а.в.) шундай дея марҳамат қилдилар.
- "Инсон Аллоҳнинг ризосини истаб, оила аъзолари учун сарф-ҳаражат қилса, садақа 
савобини топган бўлади". Бошқа бир ҳадисда эса сарфларнинг энг хайрлиси оила 
аъзолари учун ишлатилган пул эканлиги билдирилган.
4.
Яқинларни кўпайтириш:
Турмуш қуриш қариндош ва дўстларни кўпайтиради. 
Никоҳ билан бегоналар оила аъзолари қаторига киради. Келин уйнинг янги қизи, куёв 
уйнинг янги ўғли бўлади. Она билан бирга қайнона, ота билан бирга қайнота, ака-
укалар билан бирга қайнака-укалар бўлади. Эркак ва аёлнинг қайнсингиллари, 
овсинлар билан бирга оила кенгайиб, қариндошлик ва дўстлик халқаси узаяди. Бу эса 
оилага моддий ва маънавий куч-қувват бағишлайди.
15

---

5.
Нафсга қарши жиҳод қилмоқ:
Оила бошқаруви инсонни комил, етук қилади. 
Умр йўлдош ва фарзандлар киши учун бир синов. Уларнинг инжиқликларига чидаш, 
камчиликларини тузатиш, диний билимларини кенгайтириш, ҳақларига риоя қилиш, 
хоҳиш ва эҳтиёжлари орасида мувазанат сақлаш билим, сабр, ғайрат ва етукликни 
талаб этади. Оила ҳам бир мактаб бўлиб, у ерда ҳамма бир-бирини ўқитади. ўқитувчи – 
ота-она сабрни ўрганиб, тажриба орттирса, ўқувчи – болалар эса мустақил ҳаётга 
тайёргарлик кўрадилар. Оиланинг қийинчиликларига сабр қилиш гуноҳларга каффорат 
бўлади. Ёлғиз ўзи қолган ёки яхши инсонлар билан дўстлик қиладиганларнинг ички 
қиёфаси маълум бўлмайди. Шундай экан уларнинг қалб касалликлари, ички 
камчиликлари билинмайди. Кишиларнинг характерлари юзага чиқадиган энг қулай 
оиладир. Умр йўлдошнинг ва болаларнинг хато ва камчиликларини кечира билиш, 
қийинчиликларга сабр қилиш ҳам нафсга қарши бир жиҳоддир.
6.