Баҳтли оила 1 Кириш

Турмуш қуришми ёки бўйдоқлик?
Ад-дуррул мухтор (Сараланган жавоҳир) номли фиқҳ китобининг никоҳ бўлими шу 
сатрлар билан бошланади: "Никоҳдан, имондан бошқа одамзотга ҳатто Жаннатда ҳам 
давом этадиган ибодат йўқдир". Оила шундай саодатманд бир боғки, ҳатто жаннатда 
ҳам давом этади. Ҳар қандай шартнома ҳам маълум муддатдан сўнг ўз кучини 
йўқотади, аммо бир-бирларидан мамнун бўлган умр йўлдошларнинг ҳаёти эса ўлим 
билан ҳам тугамайди. ўзимизга умр йўлдоши танлар эканмиз, бир ёстиқда кексайиш 
ниятида эмас, балки Жаннатда ҳам бирга бўлиш орзуси билан йўлга чиқишимиз керак. 
Никоҳ ҳам ибодатлардан биридир. Аллоҳ йўлида жиҳод бир ибодат, никоҳ эса бундан 
ҳам ортиқроқдир. Чунки никоҳ ҳам мусулмоннинг, ҳам мусулмончиликнинг бор 
бўлишига сабабчи бўлади. Никоҳ ибодат бўлгани учундирки, уйланиш бўйдоқликдан 
хайрли. Ҳазрати Пайғамбаримиз (с.а.в.) бир неча покиза аёлларга уйланиб, бу борада 
умматларига ўрнак бўлганлар. Шу билан бирга ибодатга вақт топа олмаслик 
андишасида турмуш қурмаган саҳобанинг бу ҳаракатини рад этдилар ва "Ким 
суннатларимдан юз ўгирса умматим эмас" дедилар.
Жаноби Ҳақ пайғамбарларнинг энг шарафлисига албатта энг шарафли нарсани раво 
кўради. Агар турмуш қуриш афзал бўлмаганида Жаноби Ҳақ пайғамбар (с.а.в.)нинг 
ҳаётлари давомида оилали бўлишларига рози бўлармиди? Бундан кўринадики, никоҳ 
ахлоқни тузатиш, қавму-қариндошлар билан ҳаёт кечириш, маънавий камолотга 
интилиш, фарзанд тарбияси, шунингдек, айрим ишларда ожиз бўлган мусулмонларга 
кўмаклашиш, ўз яқинларига ва фақирларга садақа бериш, ўзининг ва оиласининг 
номусини сақлаш, фитналарни йўқ қилиш, нафсни тарбиялаш каби бир қанча муҳим 
вазифаларни ўз ичига олган. Шунча масъулиятли вазифаларни ўз зиммасига олган 
никоҳ, шубҳасиз, турмуш қурмасликдан афзалдир. Турмуш қуриш ибодат бўлганидан 
масжидда никоҳ қилиш ва никоҳни жума кунига тўғрилаш мустаҳабдир. Ҳазрати 
Пайғамбаримиз (с.а.в.) шундай деганлар:
"Никоҳни эълон қилинглар ва уни масжидларда ўқинглар, қутланглар".
10

---