Баҳтли оила 1 Кириш

Хулоса.
Ҳазрати Пайғамбаримиз (с.а.в.)нинг оила ҳаётлари билан боғлиқ кўп нарса айтиш 
мумкин. Хулоса шуки, ҳар соҳа каби оила ҳаёти борасида ҳам ягона намуна ва 
йўлбошчимиз - Ҳазрати Пайғамбаримиз (с.а.в.). Инсонга ҳаёт йўлида энг яқин ҳамроҳ, 
ҳамдард, ҳамдам аҳлу аёли ҳисобланади.
Ҳазрати Пайғамбаримиз (с.а.в.)ни илк тасдиқлаган содиқ аёллари Ҳадича (р.а.) 
онамиз бўлганлар.
Ёлғончи пайғамбар Асвадул Ансийнинг аёли Озод эри ҳақида: Аллоҳни яратиқлари 
ичида у қадар нафрат этган бошқа кимсам йўқ. У Аллоҳ учун на ҳақ йўлда туради, на 
ҳаромдан қайтаради, - деган ва ўлдирилиши учун энг катта ёрдамни берган эди. 
ўлаётган пайтида ҳўкизни бўкирганидай овоз чиқарар экан. "Нима бўляпти" деганларга 
Озод: "Унга ваҳий келяпти" деб масхаралаганди.
Илк ваҳий келганда қўрқув ичида бўлган Ҳазрати Пайғамбаримиз (с.а.в.)га Ҳадича 
онамиз (р.а.) шундай дегандилар:
"Қўрқма, Аллоҳ сени ҳеч қачон уялтирмайди, қайғуга йўлиқтирмайди. Чунки сен 
яқинларингни кўзлайсан. Ожизларга ёрдам берасан. Омонатга хиёнат қилмай, тўғри 
гапни гапирасан".
Ҳазрати Пайғамбаримиз (с.а.в.) дунёнинг энг қийин вазифаси бўлган 
пайғамбарликни бажарарканлар, оилага умуман бепарво бўлмаганлар, ҳамма нарсанинг 
ҳаққини бериб, бошқалар учун шарафли бир намуна бўлганлар.
Оилани бошқариш худди давлатни бошқариш кабидир. Бир аёлни бошқаришда 
қийналадиганлар ўн бир аёл билан бахтли яшаган Расулуллоҳ (с.а.в.)дан ибрат 
олишлари керак.
Ашрафул мурсалийн бўлган зот Муҳаммад Мустафо (с.а.в.) ҳурматларига, аҳли 
байтларига ва асҳобларига салавоту саломлар бўлсин. Амин.
166