Баҳтли оила 1 Кириш

Исроф ва дабдаба
Исроф ҳаддан ошиш, иқтисод эса меъёрда ҳаракат қилишдир. Коинотда ҳамма нарса 
маълум мувозанат ва тартибга бўйсунади. Бутун безовталикларнинг сабаби бу 
мувозанатнинг бузилишидир. Ҳазрати Пайғамбар (с.а.в.): 
"ўрта йўлни танлангларки, нажотга эришасизлар".
Давлатнинг иқтисодий тизими каби, оила ҳаётида ҳам асосий жиҳат кирим-чиқим 
орасидаги мувозанатни таъминлашдир. Оталаримиз буни "Кўрпангга қараб оёқ узат" 
дея ифодалаганлар.
Ҳазрати Пайғамбар (с.а.в.)нинг ҳаётларидай исломий оила исроф ва дабдабага эмас, 
камтарлик ва самимият устига қурилади. Ҳозирги кунда рўзғордаги исрофлар оила 
қурилаётган пайтдаёқ бошланмоқда. Ҳолбуки, Пайғамбаримиз айтганларидай: 
"Никоҳнинг энг хайрлиси енгил ва оддий бўлганидир".
146

---

Ҳазрати Пайғамбар (с.а.в.) ва асҳобларининг оила ҳаётлари бағоят камтар ва оддий 
эди. Уларнинг бу оддий ҳаётлари ҳузурсизликка сабаб бўлмади, аксинча, иймон ва 
қаноат ҳузури ичида бахтли яшадилар. Зотан, ҳақиқий бойлик кўнгил тўқлигидир. 
Турли ахборот воситаларида озиқ-овқат маҳсулотлари тинимсиз реклама 
қилинаётган, тижоратни сеҳргарлик ҳолига келтириб, оддий маргаринни жаннат таоми, 
қандайдир нотабиий ичимликларни кавсар шароби дея тақдим этилган ҳозирги пайтда 
буларни унча-мунча одамга ҳайратли, таажжубли туюлиши ҳам табиий. Ҳадсиз орзу 
ҳаваслар ортидан елиб югуриш инсонларнинг асосий мақсадларидан чалғитиб, борган 
сари ўзининг домига тортиб бормоқда.
Алберт Эйнштейн камтар ҳаёт борасида шундай дейди: «Ҳамманинг ўз ғояси бор. 
Ҳамма шу ғоя ортидан кетяпти. Менинг уч ғоям бор: Яхшилик, гўзаллик, тўғрилик. 
Мени ҳеч қачон бошқа ялтироқ ғоялар ўраб ололмайди.
Мол-мулк, дабдабали ҳаёт, шон-шуҳратга эришиш каби орзулар менга бегона. Мен 
камтар ҳаётга кўнгил берганман. Буни ҳам баданга, ҳам руҳга фойдали бўлганига 
ишонаман».
Ҳаммада дунёга майл борлиги шубҳасиз. Муаммо бу орзу ва майлни йўқ қилиниши 
эмас, балки меъёр мезонида жиловлаб туришдир.