Баҳтли оила 1 Кириш

Аёлсиз сафарга чиқмасликлари
Расулуллоҳ (с.а.в.) сафарга аёлларидан бир ёки иккиталарини ёнларига олардилар. 
Қайси бирларининг боришлари қуръа орқали аниқланарди. 
Бу усул улар орасида вужудга келадиган рашкка тўсиқ бўлар эди.
Расулуллоҳ (с.а.в.) видолашув ҳажига бутун аёлларини олиб борганлар, шу тариқа 
уларга катта илтифот кўрсатган эдилар. Пайғамбаримизнинг аёллари (р.а.) сафар 
давомида туя устига жойлаштирилган чодирда ўтирар эдилар.
Пайғамбаримиз (с.а.в.) бирор жойга таклиф этилсалар, аёлларидан баъзилари 
бўлишини шарт қилиб қўйганлар.
Тенг муносабатда бўлишлари
Расулуллоҳ (с.а.в.) навбат билан ҳар кунини бир аёлларига ажратиб, бу тартибда 
талабчанлик бўлардилар. Шундай дуо қилардилар:
- Эй Раббим! Мен қила олган тақсимот шу. Қила олмаганларим учун мени айблама.
Қила олмаганим, деб севгини назарда тутардилар. Чунки инсон ўз кўнглига ҳоким 
бўлиши ва севги борасида ҳаммага тенг муносабатда бўлиши мумкин эмас.
Расулуллоҳ (с.а.в.) вафот этишларидан олдин касал бўлиб қолганларида Ҳазрати 
Фотима (р.а.) онамиз бошқа аёлларини айланиб:
- Расулуллоҳ (с.а.в.) сизларни зиёрат қилиш учун қийналяптилар деганларида, 
қолганлар: Расулуллоҳ истаганларини қилсинлар, дейишди. Шундан кейин 
Пайғамбаримиз Ҳазрати Ойша онамизнинг ёнларида қолиб, уларнинг қучоқларида жон 
таслим қилганлар.
153

---

Аёлларига нисбатан севгиси
Расулуллоҳ (с.а.в.) аёлларига доимо меҳр билан муомала қилганлар. Уларнинг кўз 
ёшларини қўллари билан артиб, муборак тиззалари устига уларни ўтирғизиб туядай 
миндирган, аёлларни нозик чиннига қиёслар эдилар.
Пайғамбаримизнинг (с.а.в.) Анжаша исмли билан қора қуллари бўлиб, овози гўзал 
эди. Қўшиқ айтса, туялар тезлашиб, чодирдаги аёллари безовта бўлар эди. Расулуллоҳ 
Анжашага:
"Эй Анжаша! Туяларни секинлаштир. Бўлмаса чинниларни синдирасан" дедилар.
Ойша онамиз ривоят қиладилар:
Расулуллоҳ (с.а.в.) ҳар кун аёлларини зиёрат қилар, ҳар бирларига 
яқинлашганларида қўлларини бошига қўйиб, уни ўпар, охирги аёлларига келгач, агар 
навбат унда бўлса, унинг ёнида қолар эдилар.
Пайғамбаримиз (с.а.в.) Ҳафса онамизга (р.а.) ёзув ўргатиши учун Шифо хотинни 
тайинлаганлар. Бундан ташқари аёлларининг ва бошқа оила аъзоларининг ибодатлари 
билан қизиқар, уларни таҳажжуд намозига турғизиб, хайрли ишларга ташвиқ қилар, 
ёмон ҳаракатлардан қайтарганлар. Пайғамбарнинг аёли бўлиш охиратда қутқарадиган 
восита бўлолмайди, дея хайрли ишларга тавсия этганлар.
Уй ишларида ёрдам беришлари
Ҳамма Ҳазрати Пайғамбар (с.а.в.)га хизмат этиш учун югургани ҳолда шахсий 
ишларни ўзлари қилишни севардилар. Қози Иёз Пайғамбаримизнинг (с.а.в.) уйдаги 
ишлари ҳақида шундай дейди: "Уйда рўзғор ишлари билан машғул бўлар, ўз 
кийимларини тозалаб, қўйини соғар, йиртиқларини ямаб, оёқ кийимни таъмирлар, уйни 
супуриб, туяни ҳам ўзлари боғлаб, емини берар, хизматчилар билан бирга овқат ер, 
улар билан хамир қорар, бозордан олганларини ўзлари келтирардилар". Баъзилари 
ўйлаганидай уй ишларида аёлларга ёрдам бериш, улар ташиган юкни учидан ушлаш 
эркакликка ярашмайдиган бўлганда эди, Расулуллоҳ (с.а.в.) ҳеч қачон бундай қилмас 
эдилар. Оила аъзоларига ёрдамлашиб ҳам қадр, ҳам оила аъзоларининг ҳурматига эга 
бўлганлар.
Уй ишларида аёлларга ёрдамчи бўлишни эркак учун ор деб ҳисобловчилар Ҳазрати 
Пайғамбарга (с.а.в.)нима дейдилар? 
154

---

Ҳазрати Пайғамбар (с.а.в.)нинг йўлларидан бориш ҳар бир мусулмонга лозим 
бўлгани ҳолда, уй ишларида суннатларига тескари ҳаракат қилишни ким, қандай 
ташвиқ қила олади?
Ундай бўлса, хотин қули бўлиш нима? Шахсиятини ва иродасини аёлга топширган, 
аёлимнинг жаҳли чиқади деб қўрқадиган одамга айтилади. Аксинча, уйига боғлиқ 
бўлган, оила ҳузурини ҳимоя қилиш учун жон бериб ишлайдиган, оила аъзоларининг 
юкларини енгиллатиш учун уларга ёрдам берадиган, камтар кишилар ҳақиқий 
эркаклардир. Баъзи жойларда бўлганидай уй ишларида аёлларга ёрдам бериш у ёқда 
турсин, эркак қилиши керак бўлган ишларни ҳам аёлларга юклаб ўзлари кеча-кундуз 
қаҳвахонада пинакка кетадиган кишиларнинг умуман эркаклик билан, инсонийлик 
билан алоқаси йўқ. Булар бир зўравон, боқиманда, дангаса бир зараркунанда холос.
Ҳазрати Пайғамбар (с.а.в.)нинг ҳаракатларини хотин қули деб ҳисоблаб камситиш - 
иймондан айрилиш демакдир.
Хулоса шуки, намуна бир оила бошлиғи бўла олиш Ҳазрати Пайғамбар (с.а.в.)нинг 
уй бошқарувини яхши билиб, шунга кўра ҳаракат қилиш билангина бўлади.