Баҳтли оила 1 Кириш

Фарзанд тарбиялаш:
Турмуш қуришдан асосий муддао фарзанд, насл 
қолдиришдир. Зеро, бу олам инсонлар билан обод. Еру кўкдаги барча нарсалар инсон 
учун яратилган ва унинг амрига берилган. Одамизот Аллоҳнинг ердаги ҳалифасидир. 
Инсон бўлмаганда икки дунёнинг маъноси қолмайди. Инсонларнинг қиёматгача бор 
бўлишини таъминловчи ягона омил насл қолдиришдир. Шаръий тарзда кўпайиш фақат 
никоҳ билан бўлади. Рўзғор таъминоти, фарзанд тарбияси қийин кўринсада, Жаноби 
Ҳақ одам наслининг давом этиши учун аёл ва эркакда жинсий майл яратган. Овқат 
ейишда тўйиш завқи бўлмаганида эди, овқатланишдан-да қийин нарса бўлмасди.
Фарзанд ўстириш орқали Аллоҳга яқинлашишнинг бир қанча имконияти бор.
а) Ота-она инсон наслини давом эттиргани фарзанд тарбиялаш билан Аллоҳнинг 
ризолигини топади.
б) Уммат Муҳаммадни кўпайтириш орқали Расулуллоҳнинг (с.а.в.) севгиларига 
эришади. Зеро, Ҳазрати Пайғамбар (с.а.в.) бу хусусда шундай деганлар: "Оила 
қуринглар, кўпайинглар. Мен қиёмат куни бошқа умматларга нисбатан сизларнинг 
кўпликларинг билан фахрланаман". Бу ерда аҳамиятли бир хусусга диққат қилишимиз 
даркор. Ҳазрати Пайғамбар (с.а.в.) умматларининг кўплиги билан албатта 
12

---

фахрланадилар. Лекин сон жиҳатидан кўп бўлган бу умматнинг, сифат жиҳатидан ҳам 
бошқаларга кўра устун бўлиши керак. Бошқа бир ҳадиси шарифда айтилганидай "Сел 
оқизиб кетадиган хас каби" қийматсиз уммат билан Ҳазрати Пайғамбар (с.а.в.) 
фахрлана олмайдилар. Аксинча, қайғу чекадилар. Расулуллоҳ (с.а.в.)ни хурсанд 
этадиган уммат ҳар жиҳатдан устун бўлиши керак. Дин душманларига ўйинчоқ бўлган, 
уларга тиланиб, хўрланиб яшаган уммат Расулуллоҳнинг (с.а.в.) руҳларини шод 
этармиди?!
в) ўлгандан кейин ортидан дуо қиладиган бир кимсани қолдирган бўлади. Чунки 
инсон хайрли бир фарзанд боқса, у ота-онасининг ҳаққига дуо қилишни тўхтатмагунча, 
уларни амал дафтарлари ёпилмайди. Бу садақаи жория ҳукмидадир.
г) ўзидан аввал вафот этган фарзандидан шафоат талаб этиш имкони бўлади. Бу 
мавзуда ҳам ҳадиси шарифлар ворид бўлган. "Балоғат ёшига етмасдан вафот этган уч 
нафар фарзанди бор кимса учун бу болалари, жаҳаннам олдида тўсиқ бўладилар".
Айни ҳадисни давомида Абу Зар (р.а.): "Менинг иккита 
фарзандим вафот этди. Улар жаҳаннамдан мени тўса олдиларми?" деганларида 
Расулуллоҳ (с.а.в.): "Икки фарзанд ҳам тўсиқ бўлади" дедилар. Шунда Убай ибн Каъб: 
Менинг битта фарзандим вафот этган. У мен учун жаҳаннамга парда бўладими? - деб 
сўрадилар. Пайғамбаримиз (с.а.в.): "Битта бўлса ҳам" дедилар.
Яна ҳадиси шарифларида айтилишича, ҳатто чала туғилган бола ҳам ота-онасининг 
жаннатга киришни Жаноби Ҳақдан талаб қилади ва унинг талаби амалга оширилади. 
Бошқа томондан болалар оила дарахтининг меваларидир. Фарзанд тарбияси, уларнинг 
эҳтиёжларини қондириш учун ҳаракат қилиш ҳам савоб топиш учун сабаб бўлади.
2.