Баҳтли оила 1 Кириш

Ёрдам беришни таъминлаш.
Уйланмаган киши учун ҳам уйни, ҳам кўчадаги 
ишларни қилиши қийин бўлади. Бундай аҳволда на уйни ишини қилишга улгуради, на 
ташқаридаги ишни. Уй тозалаш, кийим ювиш, овқатланиш ҳам, рўзғор таъминоти учун 
ишлаш ҳам алоҳида-алоҳида бир юмуш. Бу ишлар ёлғиз бир инсон учун оғирлик 
қилади. Уйлангач уй ишларини, асосан, аёллар, ташқаридаги ишларни эркаклар қилади.
7. 
Оила қуриш баракотни орттиради.
Ҳузурли бир оила эр-хотиннинг баданий ва 
мулкий кучлари учун янги имкониятларни майдонга келтиради. Беҳуда сарф-
ҳаражатлар тўхтаб, пулни режали ишлатиш оилага барака келтиради. Никоҳда каромат 
бор, деган сўз худди шу жиҳатни ҳам қамраб олади. Турмуш қурганларнинг баракага 
эришишларини Аллоҳ таоло ўз каломи шарифида ҳам билдирган:
"
ўз ораларингиздаги тул-беваларни ҳамда қул ва чўриларингизни(нг) яхшиларини 
уйлантиринглар. Агар улар камбағал бўлсалар Аллоҳ уларни ўз фазлу карами билан бой-
беҳожат қилур. Аллоҳ (фазлу карами) кенг, билгувчидир
". (Нур сураси, 32-оят). 
Ҳалқ орасида Аллоҳ турмуш қурган билан уй қурганга ёрдам беради, деган нақл бор. 
Бу нақлнинг ҳақлигига доир мисоллар жуда ҳам бисёр.
8.
Турмуш қуриш ижтимоий суғуртадир.
Турмуш қуриш йўли билан кўп инсон 
муҳофаза қилинганди. Ишсизлик туфайли кун кечириш қийин бўлган жамиятларда 
оила бўлмаса, моддий муаммоларнинг ечими мушкул аҳволга келиб қолади. Оила 
бошлиғи оила-аъзолари ва бошқа қариндошларининг кун кўриши учун ўзини масъул 
16

---

деб билади. Бир оиланинг сояси остида бир қанча инсон моддий ва маънавий ҳаётини 
давом эттирмоқда. Оилавий муносабат мустаҳкам бўлмаса, бир қанча кишилар кўчада 
қолади.
Баъзи ислом ўлкаларидаги мавжуд иқтисодий танглик ижтимоий инқирозларга йўл 
бермаслигининг энг асосий сабаблардан бири, бу оила мустаҳкамлигидир.
Турмуш қуриш, айни пайтда, соғлик ва кексалик суғуртасидир. Инсонлар касал 
бўлганда, кексайганда кўпроқ парваришга муҳтож бўлишади. Бундай пайтда инсонга 
ёрдам берадиган энг яқин одами турмуш ўртоғидир.
Шу туфайли "турмуш ўртоқ" дейилади. Киши кўнглидаги дардни ҳаммага очиқ айта 
олмайди. Касал бўлганда, қийин аҳволга тушган чоғида ёки дардини айтишга мажбур 
бўлиб қолганида кўнгил ёрадиган энг яқин сирдоши турмуш ўртоғи бўлади. Қуръон 
ифодаси билан айтганда, эру хотин бир-бирлари учун ёпинчиқ бўладилар.