Баҳтли оила 1 Кириш

Турмуш қуришнинг зарарлари
Оиланинг шунча фойдаларини айтганимиздан сўнг бундай сарлавҳа қўйишимиз 
китобхонларни ажаблантириши мумкин. Инсон ва жамият ҳаётини пойдевори 
ҳисобланган оила қуришни қандай зарари бор, деган савол ҳам туғилиши табиий.
Аслида, фойдали бўлган ҳар нарса ўз ўрнида, меъёрида ишлатилмаса, зарарга 
айланади. Энг ширин овқатлар ҳам кўп ейилган тақдирда инсонни безовта қилади. 
Сувсиз яшаб бўлмайди, лекин сузишни билмайдиган одам сувга чўкиб кетади. Ҳаёт 
мувозанати сақланмаса, турли хавфлар ва қийинчиликлар келиб чиқади. Ислом 
мувозанат динидир. Коинот ҳам мувозанат билан собитдир. Оила ҳаётидаги 
мувозанатни қўлдан чиқармаслик керак. Турмуш қуриш туфайли пайдо бўладиган 
баъзи зарарларни қуйидагича тартиблаш мумкин:
1.
Охиратни унутиб, дунёга берилиш.
Баъзи бировларнинг бошига бола-чақа 
ташвиши тушгач, ибодатни, охиратни бир четга суриб қўйишади. Оилани боқаман деб 
ҳалол-ҳаромга қарамасдан пул топиш илинжига тушадилар. Бундай кишилар кўп нарса 
йўқотишади. Охират унутилган, ибодат тарк этилган, ҳаром-ҳалолга эътибор 
берилмаган ерда ҳузур ва барака бўлмайди. Ҳаром нарсалар билан боқилган оила 
аъзолари охиратда оила бошлиғидан шикоят қилишади. Ҳаром луқма билан боқилган 
17

---

фарзандлар ота-оналарини ҳурмат қилмайдилар. Тирикчилик учун кеча-ю кундуз 
ишлаган инсон ҳам охиратини, ҳам дунёсини куйдиради. Чеккан заҳматидан, 
машаққатидан бошқа ҳеч нарса топа олмайди. Аллоҳдан, охиратдан узоқлаштирадиган 
оила хайрли бўлмайди.
Албатта бундай андишадан қўрқиб, турмуш қуришни четга суриб қўйиш ҳам, мақбул 
эмас. Инсон иш ва оилани тартибга солиши, оилавий ҳаётига зарарли нарсалардан 
узоқлашиши зарур. Зотан, ҳаёт режали бўлмаса, бесамар кетади. Ҳазрати Пайғамбар 
(с.а.в.) шундай марҳамат қилганлар:
"Ақлли инсон фақат уч нарса учун ишлайди: охират роҳати, дунё тирикчилиги ва 
ҳаром бўлмаган завқ учун..."