Баҳтли оила 1 Кириш

Никоҳи ҳаром бўлганлар
Муҳаррамот никоҳланиши ман қилинган аёллар деганидир. Бу таъбир доимий ва 
ўткинчи ҳаром бўлганларга ишлатилади. Никоҳланишлари ман қилинганлар қуйидаги 
оятда кўрсатилган: 
"
Оталарингиз уйланган хотинларни никоҳингизга олманг! Магар илгари ўтган бўлса,
(уйланган бўлсангиз, Аллоҳ афв этар). Албатта бу хунук ва жирканч бўлган ёмон
қилиқдир".
"Сизлар учун оналарингиз, қизларингиз, опа-сингилларингиз, аммаларингиз, 
холаларингиз, акангиз, эмишган опа-сингилларингиз, қайноналарингиз, жинсий алоқада 
бўлган хотинларингизнинг тарбиянгизда бўлган қизлари (мана шу санаб ўтилган 
аёлларга уйланиш ҳаром қилинди), агар хотинларингиз билан жинсий алоқада бўлмаган
бўлсангиз (уларни талоқ қилгандан кейин аввалги эрларидан туғилган қизларга
уйлансангиз) сизлар учун гуноҳ йўқдир. Яна ўз пушти камарингиздан бўлган
19

---

ўғилларингизнинг хотинларига (уйланишингиз) ҳамда опа-сингилни жамлашларингиз 
(яъни бирини талоқ қилмай туриб бошқасига уйланишларинг) ҳаром қилинди. Магар 
илгари ўтган бўлса (Аллоҳ афв этар). Албатта Аллоҳ мағфиратли ва меҳрибон бўлган
зотдир
" (Нисо сураси, 22-23-оят).
Турмуш қуришни ҳаром қиладиган сабабларни бир қисми давомли, бир қисми эса 
ўткинчидир. Насаб ва сут сабаби билан никоҳи ҳаром бўлганлари доимий, бошқалари 
эса ўткинчидир. Ҳаромликни сабабларини ва кимларнинг ҳаром эканлигини изоҳлаб 
ўтсак.
Насаб туфайли никоҳи ҳаром бўлган аёллар:
1. Оналар (онасининг ва отасининг онаси).
2. Қизлар (невара, чевара, эвара...).
3. Опа-сингиллар (опа-сингилларнинг қизлари).
4. Аммалар (ота ёки онанинг аммалари).
5. Холалар (ота ёки онанинг холалари).
6. Ака-укаларнинг қизлари (хоҳ ота-она бир, хоҳ ё ота, ё она бир).
7. Опа-сингилларни қизлари (ота-она бир ёки она ёки она бир).
Турмуш қуриш орқали вужудга келган қариндошлик туфайли никоҳи ҳаром 
бўлганлар.
1. Қайноналар (аёлининг онаси, аёлининг бувиси).
2. Ўгай қизлар (турмуш қурган аёлининг бошқа эркакдан бўлган қизлари).
3. Келинлар (ўғлини аёли, невараларининг аёллари).
4. Ўгай оналар (дадасининг, бувасининг аёллари).