Баҳтли оила 1 Кириш

Қандай аёлга уйланиш керак?
Ҳазрати Пайғамбар (с.а.в.) шундай марҳамат қилганлар:
"Дунё ўткинчи бир фойдадан иборат. Дунёнинг энг хайрли борлиғи эса солиҳа 
аёлдир".
Кўпгина ояти-карималарда дунёнинг қийматсиз ва алдатувчи борлиқ эканлиги 
ҳақида хабар берилади.
"
Билингларки, бу ҳаёти дунё фақат (бир нафаслик) ўйин-кулги, зеб-зийнат,
ўрталарингиздаги ўзаро мақтаниш ва мол-дунё ҳамда фарзандларни кўпайтиришдир 
холос. (У) худди бир ёмғирга ўхшарки, унинг (ёғиши сабабли унинг чиққан) ўт-ўлани
кофирларни ҳайратга солиб (ақлларини банд қилиб қўюр). Сўнгра у қурир, бас, уни 
сарғайган ҳолда кўрурсиз. Сўнгра у қуруқ чўп бўлиб қолур. (Ҳаёти дунёнинг ҳоли ҳам
шундан ўзга эмас). Охиратда эса (ўша тўрт кунлик дунёга алданиб қолганлар учун) 
қаттиқ азоб ва (иймон-эътиқод билан ўтганлар учун) Аллоҳ томонидан мағфират ва
ризолик бордир. Ҳаёти дунё эса фақат алдагувчи матодир
" (Ҳадид сураси, 20-оят).
Расули Акрам (с.а.в.) ҳам бу дунёни йўловчининг сафар давомида нафас ростлаш 
учун ўтирган бир дарахт соясига ўхшатганлар. Аллоҳ ҳузурида бир қултум сув қадар 
қадри йўқ эканлигини айтганлар.
Шу ўткинчи дунёнинг энг қийматли нарсаси, Ҳазрати Пайғамбаримиз (с.а.в.)нинг 
таъбирларича, солиҳа, диндор бир аёлдир. Ҳақиқатдан ҳам қадрсиз дунё фақат яхши 
турмуш ўртоқ билан қадрли бўлади. Ҳатто жаннат ҳам таърифлаб бўлмас даражада 
чиройли ва қийматли бўлса-да, Одам Ато у ерда ёлғиз зерикиб, сиқилиб Жаноби 
Ҳақдан ўзига бир жуфт беришини сўраган. Демак, инсоннинг ўз наслини давом 
эттириши учун, ҳузур ва ҳаловат топиши учун бир турмуш ўртоққа эҳтиёжи бор. 
Ҳазрати Пайғамбар (с.а.в.) шундай марҳамат қилганлар: "Инсонни бахтли қиладиган уч 
34

---

нарса бор: диндор аёл, фазилатли уй-жойи ва хайрли маркаби
1
. Бахтсиз қиладиган ҳам 
уч нарса: Ёмон аёл, файзсиз уй ва хайрсиз маркаб.