Баҳодир эгам

НАҚАДАР БУЮК 

Онажон! Минг битта заҳматлар чекиб,

Вояга етказиб еттита жонни,
Ҳузур, ҳаловатдан, роҳатдан кечиб
Топдингиз биз учун доим имконни.

Полопонлар каби учдик ҳар ёққа,

Турмуш ташвишига бўлдик андармон.
Бизда-чи, имкон йўқ хабар олмоққа,
Сиздан узр сўраб қайтдик ҳар қачон.

Данагидан мағзи ширин экан, деб

Суясиз эркалаб, боламизни ҳам.
Буви бўлмоқлик ҳам қийин экан, деб
Ҳазилга йўясиз, ололмайсиз дам.

Ушбу кун кўзда нур, белда қувват йўқ,

Барибир бизларни асраб юрасиз.
Фарзанд камолига кўнглим дея тўқ,
Оллоҳга шукрона айтиб қўясиз.

Оналар нақадар буюк бўлади,

Биз учун буюкдан буюкроғи Сиз.
Муқаддас, мўътабар, суюк бўлади,
Биз учун суюкдан суюкроғи Сиз!
КУТГАН ЭДИК 

Сени интиқ, интизор қиш бўйи кутган эдик,

Мадҳингга ашъор, ялла, қўшиқлар битган эдик,
Борлиғинг куйга солиб тараннум этган эдик,
Энг чиройли малагу гўзал Наврўзимизсан.

Бу муқаддас Ватанда барча эркин, ҳур, озод,

“Обод турмуш йили”да кўнгиллар ҳам бўлар шод,
Хонадонлар саришта, ҳар битта гўша обод,
Сен – ўзбекнинг тимсоли, мисоли ўзимизсан,
Бебаҳо қадриятдирсан, гўзал Наврўзимизсан.
Қуёш кулиб боқади шу мусаффо осмонда,
Сумалагу ҳалимлар тинмай қайнар қозонда,
Бободеҳқон бел боғлаб ишга шошар азонда,
Меҳнатсевар, элсевар сен бизнинг ўзимизсан,
Хуш келибсан, марҳабо, гўзал Наврўзимизсан!


ҒОРИДЕВОНИМ 
“Кўҳна тарих шодасининг бир маржони”,
Абу Муслим, Шаҳрибарбар, Ғордевони,
Очилармиш бу Ватандан кўрк айвони,
Аждодларим яшаб ўтган Ғоридевоним.

Бу гўшадан қанча оғир кунлар ўтди,

Қатағонда момоларим қонлар ютди,
Оқибатда дуолари Ҳаққа етди,
Шу фарахбахш кунга етган Ғоридевоним.

Шоирларинг – Душан Файзи, Манзуралар,

Ҳофизларинг Эрк куйини мудом чалар,
Раҳбар бўлиб Тўйбиби-ю Абдуллалар-
Фарзандларинг метин қалқон – Ғоридевоним.

Ҳавас қилинг гўзал, кўркам уйларига,

Туҳфа эрур Мустақиллик тўйларига,
Жўр бўлингиз қўшиқ, ялла, куйларига,
Истиқболинг сарбаланддир Ғоридевоним.

Қишлоқдамас, мисли шаҳри азимдамиз,

Адолатли Юртбошига таъзимдамиз,
Байрамлару тўй-тантана, базмдамиз,
Ярашади тўйлар мудом, Ғоридевоним.

Мустақиллик шамоллари эсган элим,

Қабоҳату ёвузликни тўсган элим,
Сенга садқа бўлсин, дейман жону дилим,
Зулхуморинг куйлар достон – Ғоридевоним.