Баҳодир эгам

Зулхумор ХОЛОВА


ҚАЙНАНАНГНИ РОЗИ ҚИЛ !


Оилавий ҳикоялар ва шеърлар

Қизилтепа, 2021 йил

Ушбу китобимни волидаи муҳтарамам Ҳикматой Қурбонова, падари бузрукворим Муҳаммад Холов хотираларига ҳамда Республикамиз мустақиллигининг
30 йиллигига бағишлайман
Муаллиф


Бутун умрини шарафли касб – кутубхончиликка бахшида этган Зулхумор Холова шеъриятга ихлос қуйиб, оддий, содда ва равон сатрларида Ватан, онани, қадриятларимизни тараннум этиб келмоқда. Айниқса унинг фарзандлар камолоти, оила муқад-даслигига бағишланган шеърлари диққатга сазовор. Гарчи айрим ашъорларида такрорийлик сезилса-да мазмун жиҳатидан ижод-кор кўзлаган мақсадини аниқ, равшан ифода эта олган.
Шукроналик Зулхуморнинг оилавий ҳикояларида, шеърларида акс этиб турганлиги билан муҳим аҳамиятга эга: ўқувчини тинч-лик, фаровонлик, яшашнинг қадрига етишга, тотувликка чақи-ради.
Мазкур тўпламга шоира турли йилларда ёзган ва асосан “Қизилтепа тонги” газетасида чоп этилган шеърларини кирит-гани ҳам эътиборга лойиқ.
Баҳодир ЭГАМОВ,
Ўзбекистон Журналистлари ижодий уюшмасининг аъзоси.


Муқаддима


Бисмиллаҳир роҳманир роҳийм.
Бизни яратиқлар ичида инсон қилиб яратган, жаннат-макон Ўзбекистонда туғилганим, диний ва дунёвий билим-дан бохабар падари бузрукворим мулла Муҳаммад Холов, жафокаш Ҳикматой онамизнинг зурриёдлари бўлганим, уларнинг бағрида тарбия топиб, ўсганим учун Оллоҳга беҳисоб шукурлар қиламан.
Табиийки, ҳеч ким ўз-ўзидан инсон бўлиб шакллан-майди. Атрофимиздаги одамлар меҳри, юрагимга куч-қувват бағишловчи жигарларим, қишлоқдошларим, устозла-римга миннатдорчилик билдириб, уларга бир умр таъзимда эканлигимни изҳор этаман.
Ота-онам, Ватаним, меҳридарё халқимиз, дўстларим олдида қарздорман. Бу қарзнинг бир бўлакчаси ҳисоблан-миш ушбу тўпламим орқали дил сўзларимни баён қилишга жазм этдим.